Advertisement

ലോകകപ്പ്; ടിക്കറ്റ് ലഭിച്ചവർക്ക് പണമടയ്ക്കാനുള്ള സമയപരിധി നീട്ടി

June 16, 2022
1 minute Read
FIFA World Cup ticket
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ലോകകപ്പ് ഫുട്‌ബോൾ മത്സരങ്ങൾക്ക് ടിക്കറ്റ് ലഭിച്ചവർക്ക് പണമടയ്ക്കാനുള്ള സമയ പരിധി നീട്ടി. സാങ്കേതിക പ്രശ്‌നങ്ങളെ തുടർന്നാണ് തീരുമാനം. പണമടയ്ക്കാനുള്ള പുതിയ പരിധി ഫിഫ വ്യക്തമാക്കിയിട്ടില്ല ( FIFA World Cup ticket).

രണ്ടാംഘട്ട ടിക്കറ്റ് വിൽപ്പനയിൽ ടിക്കറ്റ് ലഭിച്ചവർക്ക് ഇന്നു വരെയാണ് പണമടയ്ക്കാനുള്ള സമയമായി അനുവദിച്ചിരുന്നത്. എന്നാൽ സാങ്കേതിക പ്രശ്‌നങ്ങൾ കാരണം അവസാന ദിനങ്ങളിൽ മിക്കവർക്കും പണമടയ്ക്കാൻ സാധിച്ചിരുന്നില്ല.

ഈ സാഹചര്യത്തിലാണ് റാൻഡം നറുക്കെടുപ്പിലൂടെ ടിക്കറ്റ് ലഭിച്ചവർക്ക് പണമടയ്ക്കാൻ സമയം നീട്ടി നൽകിയിരിക്കുന്നത്. ഇതോടെ ലഭിച്ച ടിക്കറ്റ് അസാധുവായി മാറുമോ എന്ന ആരാധകരുടെ ആശങ്കയ്ക്കും അറുതിയായി. ഏപ്രിൽ 5 മുതൽ 28 വരെ നീണ്ട രണ്ടാംഘട്ട ടിക്കറ്റ് ബുക്കിങ്ങിൽ ആകെ 2.35 കോടി ടിക്കറ്റുകൾക്കാണ് ആവശ്യക്കാരുണ്ടായിരുന്നത്. ഒന്നാം ഘട്ടത്തിൽ എട്ട് ലക്ഷം ടിക്കറ്റുകൾ വിറ്റഴിഞ്ഞിരുന്നു.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement