ഈ 6 വിഭാഗക്കാർ ഒരു കാരണവശാലും ബിയർ കുടിക്കരുത്

മദ്യപാനം ആരോഗ്യത്തിന് ഹാനികരമാണെന്ന് എല്ലാവർക്കും അറിയാം. പക്ഷേ എന്നിട്ടും മദ്യപിക്കുന്നവരുണ്ട്. ചിലർ വീര്യം കൂടിയ മദ്യം ഉപയോഗിക്കുമ്പോൾ മറ്റ് ചിലർ ലഹരിക്കായി ആശ്രയിക്കുന്നത് ബിയറിനെയാണ്. എത്ര വീര്യം കുറഞ്ഞതുമാകട്ടെ, ഈ ലഹരി പദാർത്ഥങ്ങൾ കുറച്ചധികം നാൾ ഉപയോഗിക്കുന്നത് കാലക്രമേണ വലിയ ആരോഗ്യ പ്രശ്‌നങ്ങളിലേക്ക് നയിക്കും. ഒരു കാരണവശാലും ബിയർ പോലുള്ള ലഹരി പദാർത്ഥങ്ങൾ ഉപയോഗിക്കരുതാത്ത കുറച്ച് വിഭാഗക്കാരുണ്ട്. ആ വിഭാഗത്തിലാണ് നിങ്ങളെങ്കിൽ ഉറപ്പായും ബിയറിനോട് ഗുഡ് ബൈ പറയൂ. ( 6 people who should avoid beer )

1. പ്രമേഹ രോഗികൾ

ബിയറിൽ വലിയ അളവ് പഞ്ചസാര അടങ്ങിയിട്ടുണ്ട്. ഒരു വ്യക്തിയുടെ രക്തത്തിലെ പഞ്ചസാരയുടെ അളവ് ഉയർത്താനും, ഫാസ്റ്റിംഗിൽ ശരീരത്തിന്റെ ഇൻസുലിൻ വർധിപ്പിക്കാനും ബിയർ കാരണമാകും. ഇത് ഹൈപ്പോഗ്ലൈസീമിയ പോലുള്ള രോഗാവസ്ഥയിലേക്ക് നയിക്കുമെന്ന് മൗണ്ട് സിനായിലെ ഗാസ്‌ട്രോയെന്ററോളജിസ്റ്റ് ഡോ.ജോനാഥൻ കുംഗ് പറഞ്ഞു.

2. അമിതഭാരം

ഭാരം കുറയ്ക്കാൻ ശ്രമിക്കുന്നവർ ഒരു കാരണവശാലും ബിയർ കുടിക്കരുത്. ബിയറിൽ 100 മുതൽ 200 വരെ കലോറി അടങ്ങിയിട്ടുണ്ട്.

Read Also: ഈ 6 വിഭാഗത്തിൽ നിങ്ങളുണ്ടോ ? എങ്കിൽ കാപ്പി കുടിക്കരുത്

3. ഗ്ലൂട്ടൻ സെൻസിറ്റിവിറ്റി/സെലിയാക് രോഗങ്ങൾ

ഗ്ലൂട്ടൻ സെൻസിറ്റീവായവർ ബിയർ കുടിക്കുന്നതിൽ നിന്ന് വിട്ട് നിൽക്കണം. കാരണം ബിയറിൽ ഗ്ലൂട്ടൻ അടങ്ങിയിട്ടുണ്ട്. ഇവർ ബിയർ കുടിച്ചാൽ ഉദര സംബന്ധ പ്രശ്‌നങ്ങൾ ഉണ്ടായേക്കാം.

4. ഐബിഎസ് രോഗികൾ

ഇറിറ്റബിൾ ബവൽ സിൻഡ്രോം അഥവാ ഐബിഎസ് ഉള്ളവർ ബിയർ കുടിക്കുന്നത് വയറിളക്കം, ഗ്യാസ് ട്രബിൾ, വയറ് വേദന പോലുള്ള പ്രശ്‌നങ്ങളിലേക്ക് വഴിവയ്ക്കാം.

5. സിറോസിസ്

കരൾ രോഗങ്ങൾ, ലിവർ സിറോസിസ് പോലുള്ള രോഗങ്ങളുള്ളവർ ബിയർ കുടിക്കുന്നത് രോഗം മൂർച്ഛിക്കുന്നതിന് കാരണമാകും. ആൽകഹോൾ അടങ്ങിയ ബിയർ തകരാറിലായ കരളിന്റെ പ്രവർത്തനത്തെ ഒന്നുകൂടി അവതാളത്തിലാക്കും.

നെഞ്ചെരിച്ചിൽ

നെഞ്ചെരിച്ചിലുള്ളവർ ബിയർ കുടിക്കുന്നത് അസ്വസ്ഥകൾ വർധിക്കുന്നതിന് കാരണമാകും.

Story Highlights: 6 people who should avoid beer