റാന്നി പാലത്തില്‍ നിന്ന് സ്ത്രീ പമ്പയിലേക്ക് ചാടി; തെരച്ചില്‍ ഊര്‍ജിതം

പത്തനംതിട്ട റാന്നി വലിയ പാലത്തില്‍ നിന്ന് സ്ത്രീ പമ്പാ നദിയിലേക്ക് ചാടി. പാലത്തിന് സമീപത്ത് നിന്ന് ചെരുപ്പും പഴ്‌സും കണ്ടെടുത്തിട്ടുണ്ട്. അടൂര്‍ മണക്കാല സ്വദേശിനിയാണ് സ്ത്രീയെന്നാണ് നിഗമനം.(women jumped into pampa river )

ഇന്ന് രാത്രി 10.30ഓടുകൂടിയാണ് സ്ത്രീ പുഴയിലേക്ക് ചാടിയതായി യാത്രക്കാരുടെ ശ്രദ്ധയില്‍പ്പെട്ടത്. തുടര്‍ന്ന് നടത്തിയ പരിശോധനയില്‍ ചെരുപ്പും പഴ്‌സും കണ്ടെടുത്തു. പഴ്‌സില്‍ നിന്ന് കിട്ടിയ വിവരത്തിന്റെ അടിസ്ഥാനത്തിലാണ് മണക്കാല സ്വദേശിനിയാണെന്ന് വിവരം ലഭിച്ചത്.

Read Also: മകന്റെ സുഹൃത്തെന്ന് പറഞ്ഞ് പ്രായമായ സ്ത്രീകളില്‍ നിന്ന് പണം തട്ടി: പ്രതി പിടിയില്‍

പൊലീസും ഫയര്‍ഫോഴ്‌സും ചേര്‍ന്ന് നിലവില്‍ പുഴയില്‍ തെരച്ചില്‍ നടത്തുകയാണ്. നദിയില്‍ വെള്ളം കൂടിയതിനാല്‍ രാത്രി തെരച്ചില്‍ അവസാനിപ്പിക്കേണ്ടിവരും. നാളെ രാവിലെയാകും തെരച്ചില്‍ തുടരുക.

Story Highlights: women jumped into pampa river