ഭരണരംഗത്തെ തിരുത്തലുകൾ ചർച്ച ചെയ്യാൻ സി.പി.ഐ.എം; മാരത്തോൺ സംസ്ഥാന നേതൃയോഗങ്ങൾ വിളിച്ച് നേതൃത്വം

ഭരണ രംഗത്തെ തിരുത്തലുകൾ ചർച്ച ചെയ്യാൻ മാരത്തോൺ സംസ്ഥാന നേതൃയോഗങ്ങൾ വിളിച്ച് സി.പി.ഐ.എം. അടുത്ത മാസം 1, 2, 3 തിയതികളിൽ സെക്രട്ടേറിയറ്റും 4, 5, 6 തീയതികളിൽ സംസ്ഥാന സമിതിയും ചേരാനാണ് സി.പി.ഐ.എമ്മിന്റെ തീരുമാനം.

ഒരു വർഷത്തെ സർക്കാരിൻ്റെ പ്രവർത്തനം ഇഴകീറി പരിശോധിക്കും. ആവശ്യമായ തിരുത്തലുകളും, അടുത്ത 4 വർഷത്തേക്കുള്ള മാർഗരേഖയും
സെക്രട്ടേറിയറ്റിലും സംസ്ഥാന സമിതിലും തീരുമാനിക്കപ്പെടും. ആറ് ദിവസം തുടർച്ചയായുള്ള മാരത്തോൺ സംസ്ഥാന നേതൃയോഗങ്ങൾ വിളിക്കുന്നത് പതിവുള്ള കാര്യമില്ല. രണ്ടാം പിണറായി വിജയന്റെ പ്രവർത്തനങ്ങളാവും പ്രധാനമായും വിലയിരുത്തപ്പെടുക. ഭരണതലത്തിലെ പോരായ്മകൾ പരിശോധിക്കും.

Read Also: കോൺഗ്രസ് ഓഫീസുകൾക്ക് നേരെ സി.പി.ഐ.എം അഴിഞ്ഞാട്ടം; വി.ഡി സതീശൻ

ജനങ്ങൾക്ക് പ്രയോജനകരമായ പല പദ്ധതികളും ആവിഷ്ക്കരിച്ചെങ്കിലും അതൊന്നും ഫലപ്രദമായി ജനങ്ങളിലെത്തിക്കാൻ കഴിയുന്നില്ല എന്ന വിലയിരുത്തലുണ്ട്. പ്രതിപക്ഷം കൂടുതൽ ഊർജസ്വലമായി പ്രവർത്തിക്കുന്ന സാഹചര്യം കൂടി മുന്നിൽക്കണ്ടാണ് ഭരണ രം​ഗത്തെ തിരുത്തലുകൾ ചർച്ച ചെയ്യുന്നത്. അടുത്ത നാല് വർഷത്തേക്കുള്ള പ്രവർത്തനങ്ങളുടെ മാർ​ഗരേഖയെപ്പറ്റിയും ചർച്ച ചെയ്യും.

Story Highlights: CPIM State Secretariat on 1st August