കുഭാവുരുട്ടി ജലപാതയില്‍ മലവെള്ളപ്പാച്ചില്‍; ഒരാള്‍ മരിച്ചു

കൊല്ലം അച്ചന്‍കോവില്‍ കുഭാവുരുട്ടി ജലപാതയില്‍ മലവെള്ളപ്പാച്ചില്‍. മലവെള്ളപ്പാച്ചിലില്‍ ഒഴുക്കില്‍പ്പെട്ട് തമിഴ്‌നാട് മധുര സ്വദേശി മരിച്ചു. കുമരന്‍ എന്നയാളാണ് മരിച്ചത്. ഒഴുക്കില്‍പ്പെട്ട കിഷോര്‍ എന്നയാളെ ആശുപത്രിയില്‍ പ്രവേശിപ്പിച്ചു. (man died in kumbhavurutty waterfalls)

തമിഴ്‌നാട് സ്വദേശികളുള്‍പ്പെടെ കുഭാവുരുട്ടി വെള്ളച്ചാട്ടം കാണാന്‍ എത്തിയിരുന്നു. വിനോദസഞ്ചാരികളില്‍ ചിലര്‍ കുളിക്കാനിറങ്ങവേ അപ്രതീക്ഷിതമായി മലവെള്ളപ്പാച്ചിലുണ്ടാകുകയും രണ്ടുപേര്‍ അപകടത്തില്‍പ്പെടുകയുമായിരുന്നു. വനത്തില്‍ ഉരുള്‍പൊട്ടിയതിനെ തുടര്‍ന്നാണ് നീരൊഴുക്ക് ശക്തിപ്പെട്ടത്.

Read Also: പൊലീസുകാർക്കായി ഡിജിപിയുടെ അദാലത്ത്; പൊലീസുകാരുടെ ജീവിതപങ്കാളിക്കും പരാതി നല്‍കാം

കനത്ത മഴയും മലവെള്ളപ്പാച്ചിലും കണക്കിലെടുത്ത് കൊല്ലം ജില്ലയിലെ അച്ചന്‍കോവില്‍ ഡിവിഷനിലെ കുംഭാ വുരുട്ടിയിലും പാലരുവിയിലും വിനോദസഞ്ചാരികള്‍ക്ക് വിലക്ക് ഏര്‍പ്പെടുത്തി. കല്ലാര്‍, അടവി, മങ്കയം, പൊന്‍മുടി, നെയ്യാര്‍ തുടങ്ങിയ ഇക്കോ ടൂറിസം കേന്ദ്രങ്ങളിലും ഇനി ഒരു അറിയിപ്പ് ഉണ്ടാകുന്നത് വരെ പൊതു ജനങ്ങള്‍ക്ക് പ്രവേശനമില്ലെന്ന് മന്ത്രി എ.കെ. ശശീന്ദ്രന്‍ അറിയിച്ചു. കുംഭാവരട്ടി വെള്ളച്ചാട്ടത്തില്‍ അപകടമുണ്ടായ പശ്ചാത്തലത്തിലാണ് വനം വകുപ്പിന്റെ നടപടി.

Story Highlights: man died in kumbhavurutty waterfalls