യുഎഇയിൽ ആകാശത്ത് സുഹൈൽ നക്ഷത്രമുദിച്ചു; ഇത് മരുഭൂമിയിലെ തണുപ്പിന്റെ സൂചന

അമ്പത് ഡി​ഗ്രിവരെ ഉയർന്ന കനത്ത ചൂടുകാലത്തിന് വിട പറയാനൊരുങ്ങുകയാണ് യുഎഇ. ഇതിന്റെ സൂചനയെന്നോണം ആകാശത്ത് സുഹൈൽ നക്ഷത്രമുദിച്ചു. അറബ് നാടുകളിൽ വേനലിന്റെ അവസാനവും മരുഭൂമിയിലെ തണുപ്പിന്റെ സൂചനയുമായാണ് സുഹൈൽനക്ഷത്രത്തെ കാണുന്നത്. ( Suhail star sighting in UAE ).

സുഹൈലിന്റെ ഉദയത്തോടെ ഇപ്പോള്‍ അനുഭവപ്പെടുന്ന ചൂടിന്റെ കാഠിന്യം കുറയുമെന്നാണ് കാലാവസ്ഥാ വിദഗ്ധരുടെ അഭിപ്രായം. അടുത്ത രണ്ടു മാസത്തെ സമശീതോഷ്ണമായ കാലാവസ്ഥക്കു ശേഷം നവംബറോടെ രാജ്യത്തു തണുപ്പനുഭവപ്പെട്ടു തുടങ്ങുമെന്നു കാലാവസ്ഥാ വിദ​ഗ്ദർ അഭിപ്രായപ്പെട്ടു.

Read Also: യുഎഇ ക്രിക്കറ്റ് ടീമിനെ മലയാളി നയിക്കും; ചരിത്രത്തില്‍ ആദ്യം

ആദ്യകാലങ്ങളിൽ യു.എ.ഇ. നിവാസികൾ മത്സ്യബന്ധനം, കൃഷി, മുത്ത് ശേഖരണം എന്നിവ ആരംഭിക്കുന്നത് സുഹൈൽ നക്ഷത്രത്തിന്റെ വരവിനെ അടിസ്ഥാനമാക്കിയായിരുന്നു.അറേബ്യൻ ഉപദ്വീപിൽ ശൈത്യകാലത്തിന്റെ അവസാനം വരെ ഇത് കാണാൻ കഴിയും.

Story Highlights: Suhail star sighting in UAE