ലോ​ക​ത്തി​ലെ 4​ സു​ര​ക്ഷി​ത രാ​ജ്യ​ങ്ങ​ളു​ടെ പ​ട്ടി​ക​യി​ൽ ഒ​മാ​നും

സെ​ർ​ബി​യ​ൻ ഡേ​റ്റാ​ബേ​സ്​ ഏ​ജ​ൻ​സി​യാ​യ ന​മ്പെ​യോ പു​റ​ത്തി​റ​ക്കി​യ 2022ലെ ​പ​ട്ടി​ക​യനുസരിച്ച് ലോ​ക​ത്തി​ലെ 4​ സു​ര​ക്ഷി​ത രാ​ജ്യ​ങ്ങ​ളു​ടെ പ​ട്ടി​ക​യി​ൽ ഒ​മാ​നും ഇ​ടം​പി​ടി​ച്ചു. കു​റ്റ​കൃ​ത്യ​ങ്ങ​ളു​ടെ കു​റ​വും സു​ര​ക്ഷാ​ഘ​ട​ക​ങ്ങ​ളും ക​ണ​ക്കി​ലെ​ടു​ത്താണ് ഒമാന് പട്ടികയിൽ നാലാം സ്ഥാനം ലഭിച്ചത്. സു​ര​ക്ഷ​യു​ടെ കാ​ര്യ​ത്തി​ൽ പ​ശ്ചി​മേ​ഷ്യ​യി​ൽ ഒ​മാ​ൻ മൂ​ന്നാം സ്ഥാ​ന​ത്താ​ണ്​. ഒന്നാംസ്ഥാനത്ത് ഖ​ത്ത​റും രണ്ടാം സ്ഥാനത്ത് യു.​എ.​ഇ​യു​മാ​ണുള്ളത്. തായ്‍വാനും സു​ര​ക്ഷി​ത രാ​ജ്യ​ങ്ങ​ളു​ടെ പ​ട്ടി​ക​യി​ൽ ഇടം നേടിയിട്ടുണ്ട്. ഒ​മാ​ന്‍റെ സു​ര​ക്ഷാ​നി​ര​ക്ക്​ 80.01ഉം ​കുറ്റകൃത്യങ്ങളുടെ ​നി​ര​ക്ക്​ 19.99ഉം ​ആ​ണ്. ( Oman ranked among the safest countries in the world )

Read Also: ഒ​മാ​ൻ ഐ.​ഡി അ​പ്​​ഡേ​റ്റ്​ ചെ​യ്യാ​ത്ത​തി​നാ​ൽ എ.​ടി.​എം കാ​ർ​ഡ് ​ബ്ലോ​ക്കാണ്; ​ഈ മേസേജ് വന്നാൽ പ്രവാസികൾ ശ്രദ്ധിക്കുക

ഒമാന്റെ​ ത​ല​സ്ഥാ​ന​മാ​യ മ​സ്ക​റ്റ് സു​ര​ക്ഷി​ത ന​ഗ​ര​ങ്ങ​ളു​ടെ പ​ട്ടി​ക​യി​ൽ ലോ​ക​ത്ത്​ 20ാം സ്ഥാ​ന​ത്താണ്. ഇവിടത്തെ ക്രൈം​നി​ര​ക്ക്​ 20.54ഉം സു​ര​ക്ഷാ​നി​ര​ക്ക്​ 79.46ഉം ​ആ​ണ്. മ​സ്ക​റ്റി​ൽ ക്രൈം ​നി​ര​ക്ക്​ താരതമ്യേനെ കു​റ​വാ​ണ്. മോഷണം, ഭ​വ​ന​ഭേ​ദ​നം, കാ​ർ മോ​ഷ​ണം, കൊ​ല​പാ​ത​കം, മ​ത​ത്തി​ന്‍റെ പേ​രി​ലു​ള്ള ആ​ക്ര​മ​ണം, നിറത്തിന്റെ പേരിലുള്ള വിവേചനം എ​ന്നി​വ​ ഒ​മാ​നി​ൽ കുറവാണെന്ന് ന​മ്പെ​യോ റിപ്പോർട്ടിൽ വ്യക്തമാക്കുന്നു.

അ​ന്ത​രീ​ക്ഷ മ​ലി​നീ​ക​ര​ണം ഏറ്റവും കു​റ​വു​ള്ള രാ​ജ്യവും ഒ​മാ​ൻ തന്നെയാണ്.​ ഇക്കാര്യത്തിൽ 36.76 പോ​യി​ന്‍റോടെയാണ് ഒ​മാ​ൻ ഒന്നാമതെത്തിയത്. യു.​എ.​ഇ​യു​ടേ​ത്​ 47.94 പോ​യ​ന്‍റും ഖ​ത്ത​റി​ന്‍റേ​ത്​ 60.05 പോ​യ​ന്‍റു​മാ​ണ്. ജീ​വി​ത​നി​ല​വാ​ര​ത്തി​ന്‍റെ കാ​ര്യ​ത്തി​ൽ ഒ​മാ​ന്​ ഏ​ഷ്യ​യി​ൽ മൂ​ന്നാം സ്ഥാ​ന​മാ​ണ്. ഇക്കാര്യത്തിൽ യു.​എ.​ഇ​യും ജ​പ്പാ​നുമാണ്​ ആദ്യ രണ്ട് സ്ഥാനങ്ങളിലുള്ളത്.

Story Highlights: Oman ranked among the safest countries in the world