Advertisement

മോഷണക്കുറ്റം ആരോപിച്ച് ദളിത് ബാലനെ കെട്ടിയിട്ട് മർദ്ദിച്ചു; ഒരാൾ അറസ്റ്റിൽ

August 28, 2022
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഉത്തർപ്രദേശിൽ മോഷണക്കുറ്റം ആരോപിച്ച് ദളിത് ബാലനെ കെട്ടിയിട്ട് മർദ്ദിച്ചു. ലചരക്ക് കടയിൽ നിന്ന് 600 രൂപ മോഷ്ടിച്ചു എന്ന് ആരോപിച്ചാണ് 14കാരനായ ബാലനെ ഇലക്ട്രിക് പോസ്റ്റിൽ കെട്ടിയിട്ട് മർദ്ദിച്ചത്. കുട്ടിയെ മണിക്കൂറുകളോളം തല്ലിയെന്നാണ് ആരോപണം. കുട്ടിയെ മർദ്ദിക്കുന്ന ദൃശ്യങ്ങൾ പുറത്തുവന്നതിനെ തുടർന്ന് പൊലീസ് നടത്തിയ അന്വേഷണത്തിൽ ഒരാൾ അറസ്റ്റിലായി.

ഷാജഹാൻപൂർ ജില്ലയിൽ ഓഗസ്റ്റ് 22നാണ് സംഭവം. കട ഉടമയായ മുകേഷ് കുട്ടിയെ ഇലക്ട്രിക് പോസ്റ്റിൽ കെട്ടിയിട്ട് തല്ലുന്നത് ദൃശ്യങ്ങളിൽ വ്യക്തമായിരുന്നു. ഇയാളാണ് അറസ്റ്റിലായത്. കടയിൽ നിന്ന് സാധനങ്ങൾ വാങ്ങി വീട്ടിലെത്തിയ സമയത്ത് കടയുടമ അവിടെ എത്തി തന്റെ മുഖത്തടിച്ചതായി കുട്ടി പറയുന്നു. പിന്നീടായിരുന്നു കെട്ടിയിട്ട് മർദ്ദനം.

Story Highlights: dalit boy beaten up arrest

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement