കൊല്ലത്ത് പതിനാലുകാരനെ തട്ടിക്കൊണ്ടുപോയ സംഭവത്തിൽ ക്വട്ടേഷൻ നൽകിയത് ഫിസിയോതെറാപിസ്റ്റ്

കൊല്ലം ജില്ലയിലെ കൊട്ടിയത്ത് സഹോദരിയുടെ മുന്നിൽവെച്ച് പതിനാലുകാരനെ തട്ടിക്കൊണ്ടുപോയ സംഭവത്തിൽ ക്വട്ടേഷൻ നൽകിയ ഫിസിയോതെറാപിസ്റ്റിനെ പൊലീസ് പിടികൂടി. കുട്ടിയുടെ അയൽവാസിയായ സെയ്ദലിയാണ് അറസ്റ്റിലായത്. സഹോദരിയുടെ മുന്നിൽവെച്ചാണ് പതി​നാ​ലുവയസുള്ള ആൺകുട്ടിയെ തട്ടി​ക്കൊണ്ടുപോയത്. സംഭവം നടന്ന് മണി​ക്കൂ​റു​കൾക്കകം തന്നെ കുട്ടിയെ തട്ടിക്കൊണ്ടുപോയ സംഘത്തിലെ കാട്ടു​തറ, പുളി​യൻവിള തെറ്റ​യിൽ ബിജുവിനെ (30) കൊട്ടിയം പൊലീ​സ് അറസ്റ്റ് ചെയ്തിരുന്നു. കൊട്ടിയം വാലി​മു​ക്കി​ൽ വാടകയ്ക്ക് താമ​സി​ക്കുന്ന കുടും​ബ​ത്തിലെ ഒമ്പതാം ക്ലാസുകാ​ര​നെ​യാണ് കാറിൽ വന്ന സംഘം ബല​മായി വണ്ടി​യിൽ കയറ്റിക്കൊണ്ടു പോയ​ത്. കോടികളുടെ സാമ്പത്തിക ഇടപാടുമായി ബന്ധപ്പെട്ട തർക്കമാണ് കുട്ടിയെ തട്ടിക്കൊണ്ടുപോവുന്നതിൽ കലാശിച്ചതെന്നാണ് പ്രാഥമിക വിവരം. ( Physiotherapist arrested in child abduction case kottiyam ).

Read Also: സഹോദരിയുടെ മുന്നിൽവെച്ച് പതി​നാ​ലുകാരനെ തട്ടിക്കൊണ്ടുപോയ യുവാവിനെ മണി​ക്കൂ​റു​കൾക്കകം പൊലീസ് പിടികൂടി

തട്ടിക്കൊണ്ടുപോയവർ തനിക്ക് മയക്ക് ഗുളിക നൽകിയെന്ന് 14 കാരൻ വെളിപ്പെടുത്തിയിരുന്നു. സഹോ​ദരിയെ മർദിച്ച ശേഷമാണ് പതി​നാ​ലുവയസുകാരനെ കടത്തിക്കൊണ്ടുപോയത്. ജില്ലാ പൊലീസ് മേധാവി മെറിൻ ജോസഫിന്റെ നേതൃ​ത്വ​ത്തി​ലുള്ള പ്രത്യേക അന്വേ​ഷണ സംഘം സി.​സി.​ടി.വി ദൃശ്യ​ങ്ങ​ളുടെ സഹാ​യ​ത്തോടെയാണ് കുട്ടിയെ തട്ടി​ക്കൊണ്ടു പോകാൻ ഉപ​യോ​ഗിച്ച വാഹ​ന​ത്തെ കുറി​ച്ചുള്ള വിവ​ര​ങ്ങൾ ശേഖരിച്ചത്.

വാഹനം തമി​ഴ്‌നാട് രജി​സ്‌ട്രേ​ഷ​നി​ലുള്ളതാണെന്ന് മന​സ്സി​ലാ​ക്കിയതോടെയാണ് വാഹ​ന​പ​രി​ശോ​ധന കർശനമാക്കിയത്. വാഹ​നം ​ഇടക്ക് വച്ച് മാറി​യെങ്കിലും കേരള-ത​മി​ഴ്‌നാട് അതിർത്തി​യിൽ നടന്ന വാഹന പരി​ശോ​ധ​ന​യിൽ കുട്ടിയെ കണ്ടെ​ത്തു​ക​യും പ്രതി​യായ യുവാ​വിനെ പിടി​കൂ​ടു​ക​യുമാ​യി​രു​ന്നു. ചാത്ത​ന്നൂർ എ.​സി.പി ബി ഗോപ​കു​മാ​റിന്റെ നേതൃ​ത്വ​ത്തിലുള്ള പൊലീസ് സംഘമാണ് പ്രതിയെ പിടികൂടിയത്.

Story Highlights: Physiotherapist arrested in child abduction case kottiyam