മസ്ക്കറ്റ്-കൊച്ചി എയര് ഇന്ത്യ വിമാനത്തിന്റെ ചിറകിന് തീപിടിച്ചു; ഒഴിവായത് വലിയ അപകടം
മസ്ക്കറ്റില് നിന്ന് കൊച്ചിയിലേക്കുള്ള എയര് ഇന്ത്യ എക്സ്പ്രസ് വിമാനത്തിന്റെ ചിറകിന് തീപിടിച്ചു. മസ്ക്കറ്റ് വിമാനത്താവളത്തില് ഇന്നുച്ചയോടെയായിരുന്നു അപകടമുണ്ടായത്.
യാത്രക്കാര് കയറി വിമാനം പുറപ്പെടാനിരിക്കെ ചിറകില് നിന്ന് തീയും പുകയും ഉയരുകയായിരുന്നു. തുടര്ന്ന് ഉടന് തന്നെ എമര്ജന്സി ഡോര് വഴി യാത്രക്കാരെ സുരക്ഷിതമായി പുറത്തിറക്കി.
Read Also: എഞ്ചിനില് പക്ഷി ഇടിച്ചു; സൗദി വിമാനം അപകടത്തില് നിന്നും രക്ഷപ്പെട്ടത് അത്ഭുതകരമായി
വലിയ അപകടമാണ് ഒഴിവായത്. 141 യാത്രക്കാരാണ് വിമാനത്തിലുണ്ടായിരുന്നത്. അപകടത്തില് ആര്ക്കും പരുക്കേറ്റിട്ടില്ല. സുരക്ഷാ ഉദ്യോഗസ്ഥര് സ്ഥലത്തെത്തി സ്ഥിതിഗതികള് നിരീക്ഷിച്ചുവരികയാണ്.
Story Highlights: Muscat-Kochi Air India flight’s wing caught fire
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here