പ്രധാനമന്ത്രിയെക്കുറിച്ചുള്ള ‘ മോദി@20 പുസ്തകം മാനേജ്‌മെന്റ് പാഠപുസ്തകമായി ഉപയോഗിക്കാം; നിർമല സീതാരാമൻ

പ്രധാനമന്ത്രി നരേന്ദ്ര മോദിയെക്കുറിച്ചുള്ള ‘ മോദി@20 : ഡ്രീംസ് മീറ്റ് ഡെലിവറി’ എന്ന പുസ്തകം മാനേജ്മെന്റ് പാഠപുസ്തകമായി ഉപയോഗിക്കാമെന്ന് കേന്ദ്ര ധനമന്ത്രി നിർമല സീതാരാമൻ. മുംബൈയിൽ ‘ മോദി@20’ എന്ന പുസ്തകത്തെക്കുറിച്ചുള്ള പരിപാടിയിൽ സംസാരിക്കുകയായിരുന്നു കേന്ദ്ര മന്ത്രി നിർമല സീതാരാമൻ.(nirmala seetharaman about modi@20 dreams meet delivery)

രാജ്യത്ത് ആധുനിക ഭരണം എങ്ങനെ സംഭവ്യമാക്കാമെന്നും രാജ്യത്തോട് പ്രതിബദ്ധതയുള്ള നേതാക്കൾ എങ്ങനെയത് പ്രാവർത്തികമാക്കുന്നുവെന്നുമാണ് പുസ്തകത്തിൽ പരാമർശിച്ചിട്ടുളളത്. 2001 ൽ ഗുജറാത്ത് മുഖ്യമന്ത്രിയായത് മുതൽ 2014 ൽ പ്രധാനമന്ത്രിയാകുന്നത് വരെയും അതിന് ശേഷവും നടന്ന സംഭവവികാസങ്ങളും പുസ്തകത്തിലുണ്ട്.

Read Also: ക്യൂന്‍ എലിസബത്തിന്റെ വിയോഗത്തിന് പിന്നാലെ ഹാരി രാജകുമാരനെ പ്രശംസിച്ചും വില്യമിനെ പരിഹസിച്ചും നെറ്റിസണ്‍സ്

പ്രധാനമന്ത്രിയുടെ നേതൃത്വത്തിൽ എല്ലാ പദ്ധതികളും ജനങ്ങളിലേക്ക് എത്തുന്നു. സാങ്കേതികവിദ്യകൾ പദ്ധതികളെപ്പറ്റി മനസ്സിലാക്കുകയും അത് പ്രാവർത്തികമാക്കുകയും ചെയ്യുന്നതിനാലാണ് ജനങ്ങളിലേക്ക് നേരിട്ട് ആനുകൂല്യങ്ങൾ എത്തുന്നത് എന്നും നിർമല സീതാരാമൻ പറഞ്ഞു.

Story Highlights: nirmala seetharaman about modi@20 dreams meet delivery