Advertisement

കൗമാരക്കാരിയെ കൂട്ടബലാത്സംഗം ചെയ്തു, ഭീഷണിപ്പെടുത്തി പണം തട്ടി; ഒരു വർഷത്തിന് ശേഷം പീഡന വീഡിയോ വൈറലാക്കി; 8 പേർക്കെതിരെ കേസ്

October 1, 2022
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

രാജസ്ഥാനിൽ പ്രായപൂർത്തിയാകാത്ത പെൺകുട്ടിയെ 8 പേർ ചേർന്ന് കൂട്ടബലാത്സംഗം ചെയ്തു. പ്രതികൾ പീഡന വീഡിയോ ക്യാമറയിൽ പകർത്തി ഭീഷണിപ്പെടുത്തിയിരുന്നതായി 17 കാരി. 50,000 രൂപ തട്ടിയെടുക്കുകയും വീഡിയോ സോഷ്യൽ മീഡിയയിൽ പ്രചരിപ്പിക്കാതിരിക്കാൻ 2.5 ലക്ഷം രൂപ അധികമായി ആവശ്യപ്പെടുകയും ചെയ്തു. ആൽവാറിൽ നിന്നാണ് ഞെട്ടിക്കുന്ന സംഭവം.

2021 ഡിസംബർ 31 നാണ് കേസിനാസ്പദമായ സംഭവം. ഗ്രാമവാസികളായ 8 യുവാക്കൾ കൂട്ടബലാത്സംഗം ചെയ്തിട്ടും ഭയം മൂലം ഒരു വർഷത്തോളം പീഡനവിവരം മറച്ചുവച്ചു. ഗോത്താരയ്ക്ക് സമീപം പ്രതികളിൽ ഒരാൾ വിളിച്ചുവരുത്തിയ ശേഷം പെൺകുട്ടിയുടെ മോർഫ് ചെയ്ത ചിത്രങ്ങൾ കാണിച്ച് പീഡിപ്പിക്കുകയായിരുന്നു. പിന്നീട് ബാക്കി 7 പേരും ബലാത്സംഗം ചെയ്യുകയും വീഡിയോ ചിത്രീകരിക്കുകയും ചെയ്തു.

ജനുവരി മൂന്നിനും ഏപ്രിൽ ആറിനും രണ്ടുതവണ പെൺകുട്ടി വീണ്ടും ബലാത്സംഗത്തിനിരയായി. പ്രതികൾ പിന്നീട് 50,000 രൂപ തട്ടിയെടുക്കുകയും, വീഡിയോ സോഷ്യൽ മീഡിയയിൽ പ്രചരിപ്പിക്കാതിരിക്കാൻ 2.5 ലക്ഷം രൂപ അധികമായി ആവശ്യപ്പെടുകയും ചെയ്തു. പെൺകുട്ടി വിസമ്മതിച്ചതിനെ തുടർന്ന് ഇരയുടെ വീഡിയോ ഷെയർ പ്രതികൾ ഷെയർ ചെയ്തു. വൈറലായ വീഡിയോയെ കുറിച്ച് ഇരയുടെ കുടുംബാംഗങ്ങൾക്ക് വിവരം ലഭിച്ചതോടെയാണ് കൂട്ടബലാത്സംഗം പുറത്തറിയുന്നത്. 8 പേർക്കെതിരെ അൽവാർ പൊലീസ് കേസെടുത്തിട്ടുണ്ട്.

Story Highlights: Rajasthan Teen Gangraped In Alwar, 8 People Charged

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement