Advertisement

സന്തോഷ് ട്രോഫിക്കു ശേഷം മഞ്ചേരി പയ്യനാട് സ്റ്റേഡിയത്തിലേക്ക് വീണ്ടും ഫുട്ബോൾ ആവേശം വിരുന്നെത്തുന്നു

October 5, 2022
2 minutes Read
Football match is coming to manjeri payyanad stadium
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

സന്തോഷ് ട്രോഫിക്കു ശേഷം മഞ്ചേരി പയ്യനാട് സ്റ്റേഡിയത്തിലേക്ക് വീണ്ടും ഫുട്ബോൾ ആവേശം വിരുന്നെത്തുന്നു. നിലവിലെ ചാംപ്യന്മാരായ ഗോകുലം എഫ്സി പുതിയ സീസൺ ഐ ലീഗിൽ ആദ്യത്തെ 6 ഹോം മാച്ചുകൾ പയ്യനാട്ട് കളിക്കും. ഈ മാസം 29നു മുഹമ്മദൻസിനെതിരെയായിരിക്കും ആദ്യ മത്സരം.

ഫെഡറേഷൻ കപ്പിനും സന്തോഷ് ട്രോഫിക്കും വേദിയൊരുക്കിയ പയ്യനാട് സ്റ്റേഡിയത്തിൽ ആദ്യമായാണ് ഐ ലീഗ് മത്സരം നടക്കാൻ പോകുന്നത്. കഴിഞ്ഞ മേയിൽ നടന്ന സന്തോഷ് ട്രോഫി ടൂർണമെന്റിൽ കേരളത്തിന്റെ മത്സരങ്ങൾക്കു കാണികൾ നിറഞ്ഞൊഴുകിയ പയ്യനാട് സ്റ്റേഡിയം ദേശീയ തലത്തിൽ ശ്രദ്ധ നേടിയിരുന്നു.

12 ടീമുകളാണു ഇത്തവണ ഐ ലീഗിലുള്ളത്. ജേതാക്കൾക്ക് അടുത്ത സീസണിലെ ഐഎസ്എലിൽ പ്രവേശനം ലഭിക്കും. 2017ൽ മലപ്പുറം ആസ്ഥാനമാക്കിയാണു ഗോകുലം എഫ്സി ക്ലബ് രജിസ്റ്റർ ചെയ്തത്. എന്നാൽ, ജില്ലയിൽ ഐ ലീഗ് നിലവാരമുള്ള സ്റ്റേഡിയം ലഭ്യമല്ലാത്തതിനാൽ ഹോം ഗ്രൗണ്ട് കോഴിക്കോട്ടെ ഇഎംഎസ് സ്റ്റേഡിയത്തിലേക്കു മാറ്റുകയായിരുന്നു.

Read Also: സംസ്ഥാന നേതൃത്വം അവഗണിക്കുമ്പോഴും കേരളത്തിൽ പ്രചാരണം തുടർന്ന് ശശി തരൂർ

പയ്യനാടിനു പുറമേ, ഹോം മത്സരങ്ങൾക്ക് ഇത്തവണയും കോഴിക്കോട് വേദിയാകും. ആരാധകർക്കിടയിൽ ‘മലബാറിയൻസ്’ എന്ന് വിളിപ്പേരുള്ള ഗോകുലം ചുരുങ്ങിയ കാലയളവിൽ ഒട്ടേറെ ട്രോഫികൾ നേടിയിട്ടുണ്ട്. രണ്ടു ഐ ലീഗ് കിരീടവും ഡ്യുറാൻഡ് കപ്പും ഇതിനകം ടീം സ്വന്തമാക്കിക്കഴിഞ്ഞു.

ആദ്യമായി ഐ ലീഗ് കിരീടം നിലനിർത്തിയ ടീം, ലീഗ് ചാംപ്യന്മാരായ ആദ്യ കേരള ടീം എന്നീ റെക്കോർഡുകളും ഗോകുലത്തിനു സ്വന്തം. കാൽപ്പന്തുകളിയുടെ ഈറ്റില്ലമായ മലപ്പുറത്ത് മലബാറിയൻസിൻ്റെ മത്സരം കാണാൻ ഫുട്ബോൾ ആരാധകർ ഒഴുകിയെത്തുമെന്ന് തീർച്ച.

Story Highlights: Football match is coming to manjeri payyanad stadium

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement