മുകുന്ദന് ഉണ്ണി അസോസിയേറ്റ്സ് തമിഴ് റീമേക്ക് ഉടന്; ചിത്രത്തിലെ ഗാനത്തിന്റെ ലിറിക്കല് വിഡിയോ പുറത്ത്
വിനീത് ശ്രീനിവാസന് ചിത്രം മുകുന്ദന് ഉണ്ണി അസോസിയേറ്റ്സിലെ ഭൂലോകമേ എന്ന ഗാനത്തിന്റെ ലിറിക്കല് വിഡിയോ ഗാനം പുറത്തിറങ്ങി. തമിഴ്,തെലുങ്ക് ഭാഷകളിലായി നിരവധി പ്രതിഭകളോടൊപ്പം അസിസ്റ്റന്റ് ആയി പ്രവര്ത്തിച്ച സിബി മാത്യു അലക്സ് ആദ്യമായി സംഗീത സംവിധാനം നിര്വഹിച്ച ഗാനമാണ് ഇത്. സിനിമ പുറത്തിറങ്ങിയപ്പോള് മുതല് ഗാനം വലിയ പ്രേക്ഷക പ്രീതി നേടിയിരുന്നു. (lyrical video out mukundan unni associates film song )
വിനീത് ശ്രീനിവാസനെ നായകനാക്കി അഭിനവ് സുന്ദര് നായക് സംവിധാനം ചെയ്ത മുകുന്ദന് ഉണ്ണി അസോസിയേറ്റ്സ് തിയറ്ററുകളില് പ്രദര്ശനം തുടരുകയാണ്. ഇപ്പോഴിതാ ചിത്രം തമിഴിലേക്ക് റീമേക്ക് ചെയ്യുന്നുവെന്ന വാര്ത്തയാണ് പുറത്തു വരുന്നത്.
Read Also: കാനറികൾ പറയുന്നുയരുന്നു; സെർബിയക്കെതിരെ ബ്രസീലിന് എതിരില്ലാത്ത രണ്ടു ഗോളിന് ജയം
സിനിമയിലെ വിനീത് ശ്രീനിവാസന്റെ അഡ്വക്കേറ്റ് മുകുന്ദന് ഉണ്ണിയെന്ന കഥാപാത്രം പ്രേക്ഷക ശ്രദ്ധ നേടിക്കഴിഞ്ഞു. സിനിമയ്ക്ക് രണ്ടാം ഭാഗം ഉണ്ടാകുമെന്ന് അണിയറ പ്രവര്ത്തകര് വ്യക്തമാക്കിയിരുന്നു. 2024 ല് സിനിമയുടെ രണ്ടാം ഭാഗം ഉണ്ടാകും. നിരവധി ചിത്രങ്ങളുടെ എഡിറ്ററായിരുന്ന അഭിനവ് സുന്ദര് നായക് സംവിധാനം ചെയ്ത ചിത്രം ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയ് ആണ് നിര്മ്മിച്ചത്.
വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ രചന നിര്വഹിച്ചത്. വിനീത് ശ്രീനിവാസനൊപ്പം സുരാജ് വെഞ്ഞാറമൂട്, സുധി കോപ്പ, തന്വി റാം, ജഗദീഷ്, മണികണ്ഠന് പട്ടാമ്പി, ബിജു സോപാനം, ജോര്ജ് കോര, ആര്ഷ ചാന്ദിനി ബൈജു, നോബിള് ബാബു തോമസ്, അല്ത്താഫ് സലിം, റിയ സൈറ, രഞ്ജിത്ത് ബാലകൃഷ്ണന്, സുധീഷ്, വിജയന് കാരന്തൂര് എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.
Story Highlights : lyrical video out mukundan unni associates film song
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here