പോളണ്ടിനെതിരെ അർജന്റീനയ്ക്ക് രണ്ടാം ​ഗോൾ; പ്രീക്വാർട്ടർ പ്രതീക്ഷ സജീവമാക്കി മെസിപ്പട

വിജയത്തിനപ്പുറം മറ്റൊന്നും ചിന്തിക്കാനാകാതെ പോളണ്ടിനെ നേരിടാനിറങ്ങിയ അർജന്റീനയ്ക്ക് രണ്ടാം പകുതിയിൽ രണ്ട് ​ഗോളുകൾ. ഗോൾ അകന്നുനിന്ന ആദ്യ പകുതിയിലെ നിരാശ മുഴുവൻ മറികടന്ന് അർജന്റീന മത്സരത്തിന്റെ 46ാം മിനിറ്റിൽ അലക്സിസ് മക് അലിസ്റ്ററിലൂടെയാണ് ആദ്യ ​ഗോൾ സ്വന്തമാക്കിയത്. തുടർന്ന് 68ാം മിനിറ്റിൽ ആൽവരസാണ് അർജന്റീനയ്ക്കായി മിന്നുന്ന ​ഗോൾ നേടിയത്. ( FIFA World Cup Poland vs Argentina second goal ).

Read Also: പോളണ്ടിനെ തോൽപ്പിക്കുകയെന്നത് അർജന്റീനയ്ക്ക് എളുപ്പമാണോ?; ട്വന്റിഫോര്‍ യൂട്യൂബ് പോളിന്റെ ഫലമറിയാം

കടുത്ത പ്രതിരോധം തീർത്ത പോളണ്ടിന്റെ പ്രതീക്ഷകളാകെ തകർക്കുന്നതായിരുന്നു രണ്ടാംപകുതിയിലെ രണ്ടു ​ഗോളുകളും. ​ഗ്രൂപ്പിലെ ഒന്നാം സ്ഥാനക്കാരായി തന്നെ പ്രീ ക്വാർട്ടർ കടക്കുമെന്ന് ഏറക്കുറേ ഉറപ്പിക്കുകയാണ് മെസിപ്പട. മത്സരത്തിന്റെ തുടക്കം മുതൽ ആക്രമിച്ച് കളിച്ച അർജന്റീന പോളണ്ടിന് മേൽ ആധിപത്യം നേടിയിട്ടും ആദ്യപകുതിയിൽ ​ഗോൾ മാത്രം അകന്നുനിന്നിരുന്നു. മത്സരത്തിൽ അർജന്റീനയ്ക്ക് ലഭിച്ച പെനാൽറ്റി മെസി പാഴാക്കുകയും ചെയ്തു.

മത്സരത്തിന്റെ ആദ്യ പകുതിയിൽ പോളണ്ടിനെതിരെ 66 ശതമാനം സമയവും പന്ത് കൈവശം വെച്ചത് അർജന്റീനയായിരുന്നു. 12 ഷോട്ടുകൾ പായിച്ചതിൽ ഏഴെണ്ണം ഷോട്ട് ഓൺ ടാ​ർ​ഗെറ്റുമായിരുന്നു, എന്നിട്ടും ആദ്യ 45 മിനിറ്റിൽ ​ഗോൾ നേടാൻ അർജന്റീനയ്ക്ക് സാധിച്ചില്ല. മത്സരം സമനിലയിൽ കലാശിച്ചാൽ പോളണ്ട് പ്രീക്വാർട്ടറിലെത്തുകയും അർജന്റീനയ്ക്ക് സൗദ്യ അറേബ്യ- മെക്സിക്കോ മത്സരഫലത്തെ ആശ്രയിക്കേണ്ടി വരുകയും ചെയ്യും.

Story Highlights: FIFA World Cup Poland vs Argentina second goal