നാളെയുടെ താരങ്ങളെ തേടി കായിക യുവജന കാര്യാലയം; സെലക്ഷൻ ട്രയൽസ് ഈ മാസം 27 മുതൽ

നാളെയുടെ താരങ്ങളെ തേടി കായിക യുവജന കാര്യാലയം. തിരുവനന്തപുരം ജിവി രാജ സ്പോർട്സ് സ്കൂൾ, കണ്ണൂർ സ്പോർട്സ് സ്കൂൾ, തൃശൂർ സ്പോർട്സ് ഡിവിഷൻ എന്നിവിടങ്ങളിലെ 6 മുതൽ 11 വരെ ക്ലാസുകളിലേക്കുള്ള സെലക്ഷൻ ട്രയൽസ് ഈ മാസം 27 മുതൽ ആരംഭിക്കും. സംസ്ഥാന തല മെഡൽ നേടിയവർക്ക് മാത്രമേ 9, 10 ക്ലാസുകളിലെ ഒഴിവുള്ള സീറ്റുകളിലേക്ക് പ്രവേശനം ലഭിക്കൂ. ഫെബ്രുവരി 16ന് സെലക്ഷൻ ട്രയൽസ് അവസാനിക്കും. രാവിലെ 8 മണിയാണ് റിപ്പോർട്ടിംഗ് ടൈം. ഫുട്ബോൾ സെലക്ഷൻ ട്രയൽസ് ഇതിനൊപ്പം ഉണ്ടാവില്ല. ട്രയൽസിനെത്തുന്ന കുട്ടികൾ ജനന സർട്ടിഫിക്കറ്റും രണ്ട് ഫോട്ടോയും ആധാർ കാർഡും കരുതണം.

Story Highlights: kerala 6th to 11th classes selection trails