ജാർഖണ്ഡിലെ ബഹുനില കെട്ടിടത്തിൽ തീപിടിത്തം; 14 പേർ മരിച്ചു

ജാർഖണ്ഡിലെ ധൻബാദ് ജില്ലയിൽ ബഹുനില കെട്ടിടത്തിൽ വൻ തീപിടിത്തം. അപകടത്തിൽ 14 പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തു. നിരവധി പേർ ഇപ്പോഴും കെട്ടിടത്തിൽ കുടുങ്ങിക്കിടക്കുന്നതായാണ് റിപ്പോർട്ട്. സംസ്ഥാന തലസ്ഥാനമായ റാഞ്ചിയിൽ നിന്ന് 160 കിലോമീറ്റർ അകലെയുള്ള ധൻബാദിലെ ജോറാഫടക് ഏരിയയിലെ ആശിർവാദ് ടവറിൽ വൈകുന്നേരം 6 മണിയോടെയാണ് തീപിടുത്തം ഉണ്ടായത്. തീ ആളിപ്പടരുന്നതിനാൽ എത്രപേർ കെട്ടിടത്തിൽ കുടുങ്ങിക്കിടക്കുന്നുണ്ടെന്ന കാര്യത്തിൽ സ്ഥിരീകരണമില്ല. രക്ഷാപ്രവർത്തനം തുടരുകയാണ്.

Story Highlights: 14 dead as massive fire engulfs building in Jharkhand’s Dhanbad