ബാഴ്സയെ വിടാതെ ടെബാസ്; ഗാവിയെ രജിസ്റ്റർ ചെയ്യാൻ അനുവദിച്ച കോടതി വിധിക്കെതിരെ ലാ ലിഗ
![](https://www.twentyfournews.com/wp-content/uploads/2023/02/Untitled-design-4.jpg?x93056)
ശമ്പള നിയന്ത്രണം ചൂണ്ടിക്കാട്ടി യുവ മിഡ്ഫീൽഡർ ഗാവിയെ ഫസ്റ്റ് ടീമിൽ രജിസ്റ്റർ ചെയ്യാൻ അനുവദിക്കാതിരുന്ന ലാ ലിഗക്കെതിരെ ബാഴ്സലോണ കോടതിയെ സമീപിച്ച് അനുകൂല വിധി സമ്പാദിച്ചിരുന്നു. ഗാവിയ്ക്ക് ആറാം നമ്പർ ജഴ്സി നൽകാനും തീരുമാനമായി. എന്നാൽ, കോടതി വിധിക്കെതിരെ അപ്പീൽ നൽകാനാണ് ലാ ലിഗയുടെ തീരുമാനം.
തങ്ങൾക്ക് പറയാനുള്ളത് കേൾക്കാതെയാണ് കോടതി തീരുമാനമെടുത്തതെന്ന് ലാ ലിഗ പറയുന്നു. അതുകൊണ്ട് തന്നെ അപ്പീൽ നൽകുമെന്ന് ലാ ലിഗ അറിയിച്ചു.
2026 വരെയാണ് 18കാരനായ സ്പാനിഷ് താരം ബാഴ്സയുമായി കരാർ ഒപ്പിട്ടത്. എന്നാൽ, ശമ്പള നിയന്ത്രണം ചൂണ്ടിക്കാട്ടി താരത്തെ രജിസ്റ്റർ ചെയ്യാൻ ലാ ലിഗ അനുവദിച്ചിരുന്നില്ല. യൂത്ത് ടീം താരമായിത്തന്നെയാണ് ഗാവി കളിച്ചിരുന്നത്. അങ്ങനെയെങ്കിൽ ഈ സീസണൊടുവിൽ താരം ഫ്രീ ഏജൻ്റായി മാറും. കഴിഞ്ഞ ആഴ്ച തന്നെ ഗാവിയെ രജിസ്റ്റർ ചെയ്യാൻ ബാഴ്സ ശ്രമിച്ചെങ്കിലും ലാ ലിഗ പ്രസിഡൻ്റ് യാവിയർ ടെബാസ് ഇതിന് അനുമതി നൽകിയിരുന്നില്ല. ഇതേ തുടർന്നാണ് ബാഴ്സ കോടതിയെ സമീപിച്ചത്.
Story Highlights: barcelona gavi registration la liga
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here