Advertisement

Kerala Budget 2023: ജലസേചനത്തിനും വെള്ളപ്പൊക്ക നിയന്ത്രണത്തിനും 525.45 കോടി

February 3, 2023
Google News 2 minutes Read

ജലസേചനത്തിനും വെള്ളപ്പൊക്ക നിയന്ത്രണത്തിനുമായി ആകെ 525.45 കോടി രൂപ സംസ്ഥാന ബജറ്റിൽ വകയിരുത്തി. വൻകിട-ഇടത്തരം ജലസേചന പദ്ധതികൾക്കായി 184 കോടി രൂപയും ചെറുകിട ജലസേചന പദ്ധതികൾക്കായി 169.18 കോടി രൂപയും നീക്കിവച്ചു. വെള്ളപ്പൊക്ക നിയന്ത്രണത്തിനും തീരദേശ പരിപാലനത്തിനുമായി 159.67 കോടി രൂപയും വകയിരുത്തി.

ഇടമലയാർ ജലസേചന പദ്ധതികൾക്കായി പത്തു കോടി രൂപ വകയിരുത്തി. കാവേരി നദീതടത്തിലെ ജലവിഭവങ്ങളുടെ വിനിയോഗത്തിനായി ഇടത്തരം ചെറുകിട ജലസേചന പദ്ധതികൾ ഉൾപ്പെടുത്തിക്കൊണ്ട് ഒരു സമഗ്ര നദീതടവികസന പദ്ധതി നടപ്പാക്കും. 2026 നു മുൻപ് സംസ്ഥാനത്തെ പണിതീരാതെ കിടക്കുന്ന എല്ലാ വലിയ ജലസേചന പദ്ധതികളും കമ്മീഷൻ ചെയ്യുമെന്നും ധനമന്ത്രി പറഞ്ഞു.

കാരാപ്പുഴ, ബാണാസുരാസാഗർ എന്നീ ജലസേചന പദ്ധതികൾ 2025 കമ്മീഷൻ ചെയ്യും. കാരാപ്പുഴ പദ്ധതിയുടെ വകയിരുത്തൽ 17 കോടിയിൽ നിന്ന് 20 കോടി രൂപയായി വർദ്ധിപ്പിച്ചു. ബാണാസുരാസാഗർ പദ്ധതിയുടെ വികസനത്തിനായി വകയിരുത്തൽ 12 കോടിയിൽ നിന്ന് 18 കോടി രൂപയായും വർദ്ധിപ്പിച്ചിട്ടുണ്ട്. കാവേരി നദീതടത്തിലെ ചെറുകിട ജലസേചന പദ്ധതികൾക്കായി 2.6 0 കോടി രൂപ വകയിരുത്തുന്നു.

ഭവാനി നദീതടത്തിൽ ചെറുകിട ജലസേചന പദ്ധതികൾ നിർമ്മിക്കുന്നതിനും അട്ടപ്പാടിയിൽ തടയണ നിർമ്മിക്കുന്നതിനായി 1.80 കോടി രൂപ ഈ ബജട്ടിൽ വകയിരുത്തി.

Story Highlights: Kerala Budget 2023: 525.45 crore for irrigation and flood control

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here