വിസ്ഡം ഇസ്ലാമിക് കോൺഫറൻസ്; ദമ്മാം മേഖല പ്രചാരണ സമ്മേളനം നടന്നു

കോഴിക്കോട് കടപ്പുറത്ത് വെച്ച് ഫെബ്രുവരി 12 ന് നടക്കുന്ന വിസ്ഡം ഇസ്ലാമിക്ക് കോൺഫറൻസിൻ്റെ പ്രവാസ ലോകത്തെ പ്രചാരണ പരിപാടികളുടെ ഭാഗമായി ദമ്മാം മേഖല പ്രചാരണ സമ്മേളനം ദമ്മാം ഇന്ത്യൻ ഇസ്‌ലാഹീ സെൻ്റർ ഓഡിറ്റോറിയത്തിൽ നടന്നു. കൈതയിൽ ഇമ്പിച്ചിക്കോയ അധ്യക്ഷത വഹിച്ച പ്രചാരണ സമ്മേളനം ദമ്മാം ഇസ്ലാമിക് കൾച്ചറൽ സെൻ്റർ മലയാള വിഭാഗം മേധാവി അബ്ദുൽ ജബ്ബാർ അബ്ദുല്ല മദീനി ഉദ്ഘാടനം ചെയ്തു. മാനവ രക്ഷക്ക് ദൈവീകദർശനം എന്ന വിഷയത്തിൽ സർഫ്രാസ് മദീനി മുഖ്യ പ്രഭാഷണവും നടത്തി.
സ്രഷ്ടാവിൻ്റെ പ്രാപഞ്ചിക നിയമങ്ങൾക്ക് വിധേയമായി ജീവിക്കുക എന്നത് വിശ്വാസിയുടെ ബാധ്യതയാണെന്ന് അദ്ദേഹം പറഞ്ഞു. നൗഷാദ് കാസിം തൊളിക്കോട് സ്വാഗതവും ഫൈസല് കൈതയിൽ നന്ദിയും പറഞ്ഞു.

Story Highlights: wisdom islamic conference dammam