ബൈക്കിൽ കയർ കുരുങ്ങി നിയന്ത്രണം വിട്ട് മറിഞ്ഞ് ബൈക്ക് യാത്രക്കാരി മരിച്ചു

സഞ്ചരിച്ചുകൊണ്ടിരിക്കുകയായിരുന്ന ബൈക്കിൽ കയർ കുരുങ്ങി ഒരു സ്ത്രീ മരിച്ചു. ഇന്നലെ രാത്രി പത്തരയോടെ കായംകുളം എരുവ ഇടശ്ശേരി ജംഗ്ഷന് സമീപമാണ് സംഭവം. ഭർത്താവിനൊപ്പം ബൈക്കിൽ സഞ്ചരിക്കുമ്പോഴാണ് അപകടമുണ്ടായത്. കരുനാഗപ്പള്ളി ആദിനാട് കണ്ടത്തിൽ തറയിൽ വിജയന്റെ ഭാര്യ ഉഷ ( 56) ആണ് മരിച്ചത്.

Read Also:താമസസ്ഥലത്ത് വീണു പരിക്കേറ്റ് ചികിത്സയിലായിരുന്ന പ്രവാസി മലയാളി മരിച്ചു

റോഡിൽ കുറുകെ കിടന്ന കയർ സഞ്ചരിച്ചുകൊണ്ടിരിക്കുകയായിരുന്ന ബൈക്കിൽ കുരുങ്ങിയാണ് അപകടമുണ്ടായത്. ഉടൻ തന്നെ നാട്ടുകാർ ഉഷയെ കായംകുളം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കായംകുളം ഗവ. ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

Story Highlights: Woman dies in bike accident Kayamkulam