ജീവന് തന്നെ ഭീഷണി; വർണാഭമായ തൂവലുകൾക്കിടയിൽ കൊടും വിഷമുള്ള പക്ഷികൾ

വിവിധ നിറത്തിൽ വർണാഭമായ തൂവലുകളിൽ ആയിരകണക്കിന് പക്ഷികൾ നമുക്ക് ചുറ്റുമുണ്ട്. ചിലതൊക്കെ നമ്മൾ വീട്ടിൽ വളർത്തുന്നവയുമാണ്. അതി മനോഹരവും കൗതുകമുണർത്തുന്നതുമായ ഈ കൊച്ചു പക്ഷികൾക്ക് മറ്റു ജീവനുകളെ ഇല്ലാതാക്കാൻ കഴിയും എന്ന് പറഞ്ഞാൽ വിശ്വസിക്കാനാകുമോ? പാച്ചിസെഫാല ഷ്‌ലെഗലി, അലെന്ദ്രിയാസ് റുഫിനുക എന്നീ രണ്ട് സ്പീഷിസുകളിലെ പക്ഷികളാണ് മനുഷ്യ ജീവന് പോലും അപകടമാണെന്ന് ശാസ്ത്രജ്ഞർ കണ്ടെത്തിയിരിക്കുന്നത്. ( Birds capable of taking life )

ഇവ ഒട്ടും നിസാരക്കാരല്ല. നിസാരമായി ഒരു ജീവൻ എടുക്കാൻ പോലും ഇവർക്ക് സാധിക്കും. വിഷം അടങ്ങിയ ഭക്ഷണപദാർത്ഥങ്ങൾ കഴിച്ച ശേഷം അവയെ വളരെ എളുപ്പത്തിൽ തന്നെ വിഷമായി മാറ്റി ശരീരത്തിൽ സൂക്ഷിക്കാനുള്ള കഴിവ് ഈ രണ്ടു ഇനത്തിൽ പെട്ട പക്ഷികൾക്കുണ്ട്. നാച്ചുറൽ ഹിസ്റ്ററി മ്യുസിയത്തിലെ ഗവേഷകർ പുറത്തുവിട്ട കുറിപ്പിൽ പറയുന്നതനുസരിച്ചു ഉള്ളിൽ വിഷമുള്ളത് ഒരു തരത്തിലും ഇവയെ ബാധിക്കില്ല എന്നാണ്. അതേ സമയം ഇവയുമായി മനുഷ്യൻ ഇടപഴകിയാൽ അത് അപകടമാണ്.

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

വർണാഭമായ തൂവലുകൾക്കിടയിലാണ് ഇവ കൊടും വിഷം ഒളിപ്പിച്ചിരുന്നത്. ഇവയുമായുള്ള ചെറിയ ഇടപഴകൾ പോലും നമ്മുടെ ജീവൻ നഷ്ടപ്പെടാൻ കാരണമായേക്കാം. ന്യൂഗിനിയ കാട്ടിനുള്ളിലാണ് ഈ പക്ഷികള്‍ പ്രധാനമായും കാണപ്പെടുന്നത്. വിഷം ഉള്ളിൽ സൂക്ഷിക്കുന്ന പല ജീവജാലങ്ങളും ഭൂമിയിൽ ഉണ്ട്. അവയിൽ പ്രധാനികളായ ഈ ഇനങ്ങളിൽ പെട്ട പക്ഷികളെയും നമുക്ക് കാണാം.

Story Highlights: Birds capable of taking life