ഈദുല്‍ ഫിത്തര്‍; അബുദാബിയില്‍ സൗജന്യ പാര്‍ക്കിങ് അനുവദിച്ച് അധികൃതര്‍

ഈദുല്‍ ഫിത്തറിനോട് അനുബന്ധിച്ച് അബുദാബിയില്‍ പാര്‍ക്കിങ് സൗജന്യമാക്കി. നാളെ മുതല്‍ ഈദ് അവധി കഴിയുന്നത് വരെയാണ് സൗജന്യപാര്‍ക്കിങ് അനുവദിച്ചിരിക്കുന്നത്.(Eid al-Fitr free parking Abu Dhabi)

മുസഫയിലെ ലോറി പാര്‍ക്കിങ് കേന്ദ്രത്തിലും പാര്‍ക്കിങ് സൗജന്യമായിരിക്കും. ഇതിനു പുറമേ അബുദാബിയില്‍ ഈദ് അവധി ദിനങ്ങളില്‍ ടോള്‍ ഒഴിവാക്കുകയും ചെയ്തു. എമിറേറ്റിലെ നാല് ടോള്‍ ബൂത്തുകളിലൂടെയും ടോള്‍ നല്‍കാതെ വാഹനങ്ങള്‍ക്ക് സഞ്ചരിക്കാനാകും.

Read Also: ഈദുല്‍ ഫിത്തര്‍; സുരക്ഷാ നടപടികള്‍ വിലയിരുത്തി ദുബായി പൊലീസ്

ഈദ് അവധി ദിനങ്ങളില്‍ ബസ് സര്‍വീസുകള്‍ പതിവുപോലെയായിരിക്കും. എന്നാല്‍ യാത്രക്കാരുടെ എണ്ണത്തിന് അനുസരിച്ച് ആവശ്യമെങ്കില്‍ കൂടുതല്‍ സര്‍വീസുകള്‍ ഏര്‍പ്പെടുത്തുമെന്നും അധികൃതര്‍ അറിയിച്ചു.

Story Highlights: Eid al-Fitr free parking Abu Dhabi