വൈദ്യുതി പുനസ്ഥാപിക്കാനായില്ല; തലയോലപ്പറമ്പിൽ കെഎസ്ഇബി ജീവനക്കാരെ തടഞ്ഞുവച്ച് നാട്ടുകാർ

കോട്ടയം തലയോലപ്പറമ്പിൽ കെഎസ്ഇബി ജീവനക്കാരെ തടഞ്ഞുവച്ച് നാട്ടുകാരുടെ പ്രതിഷേധം. വൈദ്യുതി ബന്ധം ഏറെ നേരമായിട്ടും പുനസ്ഥാപിക്കാത്തതിനെ തുടർന്നാണ് നാട്ടുകാർ സംഘടിച്ച് കെഎസ്ഇബി ജീവനക്കാരെ തടഞ്ഞത്.

പൊലീസ് സ്ഥലത്തെത്തി സ്ഥിതി​ഗതികൾ ശാന്തമാക്കാൻ ശ്രമിക്കുകയാണ്. വൈദ്യുതി എത്താതെ പിന്മാറില്ലെന്ന നിലപാടിലാണ് നാട്ടുകാർ. നാളെ മാത്രമേ വൈദ്യുതി പുന:സ്ഥാപിക്കാൻ കഴിയൂ എന്നാണ് കെഎസ്ഇബി അധികൃതർ അറിയിക്കുന്നത്. ]

Read Also: വീട്ടില്‍ ആകെയുള്ളത് രണ്ട് ലൈറ്റും ഒരു ഫാനും മാത്രം; കെഎസ്ഇബി നല്‍കിയത് 17000 രൂപയുടെ ബില്ല്!

ഇന്നലെ രാത്രി 8 മണിയോടെ പോയ കറണ്ടാണ് ഇതുവരെ പുനസ്ഥാപിക്കാനാവാത്തത്. നാളെ ഉച്ചയോടു കൂടി മാത്രമേ ട്രാൻസ്ഫോർമർ നന്നാക്കി വൈദ്യുതി പുനസ്ഥാപിക്കാനാവൂ. അറ്റകുറ്റപ്പണിയിലെ അനാസ്ഥ ഇനിയും ക്ഷമിക്കാനാവില്ലെന്നാണ് പ്രദേശവാസികൾ പറയുന്നത്.

Story Highlights: Power could not be restored Protest against KSEB employees kottayam