ആലപ്പുഴയിൽ ഏഴുപേരെ എസ്എഫ്ഐയിൽ നിന്ന് പുറത്താക്കി

ആലപ്പുഴയിൽ ഏഴുപേരെ എസ്എഫ്ഐയിൽ നിന്ന് പുറത്താക്കി. ജില്ലാ സെക്രട്ടേറിയറ്റ് അംഗം അനില രാജു , ഹരിപ്പാട് ഏരിയ കമ്മിറ്റി അംഗങ്ങളായ മിഥുന ,വൈഷ്ണവി, അരുൺ , അമൽ , അജിത്, പത്മകുമാർ എന്നിവർക്കെതിരെയാണ് നടപടി.

ഹരിപ്പാട് ഏരിയ സമ്മേളനത്തിലെ ഇറങ്ങിപ്പോക്കുമായി ബന്ധപ്പെട്ടാണ് നടപടി. സംസ്ഥാന സെക്രട്ടറി പി.എം.ആർ ഷോയുടെ സാന്നിധ്യത്തിൽ ചേർന്ന എസ്എഫ് ഐ ജില്ലാകമ്മിറ്റിയിലാണ് തീരുമാനം.

ഇവരെ പുറത്താക്കാൻ എസ്എഫ് ഐ പാർട്ടി ഫ്രാക്ഷൻ നിർദേശിച്ചിരുന്നു. ഭാരവാഹി തെരഞ്ഞെടുപ്പുമായി ബന്ധപ്പെട്ട ചേരിതിരിവാണ് ഇറങ്ങിപ്പോക്കിന് കാരണം.

Story Highlights: Seven SFI members expelled in Alappuzha