പിരിച്ചുവിടാന്‍ ഗവര്‍ണര്‍ നിര്‍ദേശം നല്‍കിയ എം ജി സര്‍വകലാശാല വി സിക്ക് പുനര്‍നിയമനം നല്‍കണമെന്ന് സര്‍ക്കാര്‍
2 minutes Read
പിരിച്ചുവിടാന്‍ ഗവര്‍ണര്‍ നിര്‍ദേശം നല്‍കിയ എം ജി സര്‍വകലാശാല വൈസ് ചാന്‍സിലര്‍ ഡോ സാബു തോമസിന് പുനര്‍നിയമനം നല്‍കണമെന്ന് സര്‍ക്കാര്‍. ഉന്നത വിദ്യാഭ്യാസമന്ത്രി ഇക്കാര്യം ചൂണ്ടിക്കാട്ടി ഗവര്‍ണര്‍ക്ക് കത്തുനല്‍കി. വി സിയുടെ കാലാവധി അവസാനിക്കുമ്പോള്‍ ആര്‍ക്ക് ചുമതല നല്‍കണമെന്ന് ഗവര്‍ണര്‍ സര്‍ക്കാരിനോട് ആരാഞ്ഞിരുന്നു. ഇതിന് മറുപടിയായാണ് സര്‍ക്കാര്‍ പുനര്‍നിയമനം എന്ന നിര്‍ദേശം മുന്നോട്ടുവച്ചിരിക്കുന്നത്. (Government demand to reappoint MG university VC)
ശനിയാഴ്ച സാബു തോമസ് വിരമിക്കാനിരിക്കെയാണ് സര്‍ക്കാരിന്റെ ഭാഗത്തുനിന്ന് ഇത്തരമൊരു നീക്കം ഉണ്ടായിരിക്കുന്നത്. എം ജി സര്‍വകലാശാല വി സിയുടെ പ്രായപരിധി 65 വയസ് ആയതിനാല്‍ പുനര്‍നിയമനം നല്‍കാമെന്നാണ് കത്തിലൂടെ മന്ത്രി ആര്‍ ബിന്ദു വിശദീകരിച്ചിരിക്കുന്നത്.
സുപ്രിംകോടതി ഇടപെടലിന്റെ ഉള്‍പ്പെടെ അടിസ്ഥാനത്തിലാണ് മുന്‍പ് സാബു തോമസിന് ഗവര്‍ണര്‍ കാരണം കാണിക്കല്‍ നോട്ടീസ് നല്‍കിയിരുന്നത്. വിഷയം ഇപ്പോഴും കോടതിയുടെ പരിഗണനയില്‍ തന്നെയാണുള്ളത്. സര്‍ക്കാരും ഗവര്‍ണരും തമ്മിലുള്ള മറ്റൊരു ഏറ്റുമുട്ടലിന് സര്‍ക്കാരിന്റെ പുതിയ നീക്കം വഴിതുറന്നേക്കുമോ എന്ന ചോദ്യമാണ് ഇപ്പോള്‍ ഉയരുന്നത്.
Story Highlights: Government demand to reappoint MG University VC
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English