ബിജെപിയുമായി ചേർന്ന് പോകില്ല; ദേവ​ഗൗഡയെ അതൃപ്തി അറിയിച്ച് JDS കേരളഘടകം

എൻഡിഎ ബന്ധത്തിലെ അതൃപ്തി എച്ച്.ഡി ദേവെഗൗഡയെ അറിയിച്ച് ജെഡിഎസ് കേരളഘടകം. ബിജെപിയുമായി ചേർന്നു പോകില്ലെന്ന് ജെഡിഎസ് സംസ്ഥാന പ്രസിഡന്റ് മാത്യു ടി തോമസ് വ്യക്തമാക്കി. തുടർ തീരുമാനം ഏഴിന് ചേരുന്ന നിർവാഹക സമിതിയോ​ഗത്തിൽ എടുക്കും. 2006ലും ദേശീയ നേതൃത്വം എൻഡിഎ സഖ്യത്തിന്റെ ഭാ​ഗമായപ്പോഴും വ്യത്യസ്തനിലപാടുമായി കേരള ഘടകം മുന്നോട്ടു പോയിട്ടുണ്ടെന്ന് മാത്യു ടി തോമസ് പറഞ്ഞു.(JDS Kerala expresses dissatisfaction in NDA alliance to HD Deve Gowda)

കേരളത്തിനെ സംബന്ധിച്ച് സ്വതന്ത്ര നിലപാടെടുക്കാമെന്ന് എച്ച് ഡി ദേവ​ഗൗഡ നേരത്തെ വ്യക്തമാക്കിയിരുന്നു. സമാന നിലപാടായിരിക്കും കേരളഘടകം എടുക്കുക. അമിത് ഷായെ എച്ച്.ഡി കുമാരസ്വാമി ഡൽഹിയിലെത്തി കണ്ടതിന് പിന്നാലെയാണ് ജെഡിഎസിനെ എൻഡിയിലേയ്ക്ക് ബിജെപി ദേശീയ അധ്യക്ഷൻ സ്വാഗതം ചെയ്തത്. കർണാടക നിയമസഭാ തിരഞ്ഞെടുപ്പിന് പിന്നാലെയാണ് ജെഡിഎസും ബിജെപിയും അടുത്തത്.

Story Highlights: JDS Kerala expresses dissatisfaction in NDA alliance to HD Deve Gowda