ദിവസവും എട്ടു കിലോ മട്ടൺ കഴിച്ചാൽ ഫിറ്റ്നസ് എങ്ങനെ ഉണ്ടാകും? തുടർതോൽവികളിൽ പാക് ടീമിന് രൂക്ഷ വിമർശനം

ഐസിസി ലോകകപ്പിൽ തുടരെ തുടരെ തോൽവികളുടെ പടുകുഴികളിലേക്കാണ് പാക് ടീം പൊയ്ക്കൊണ്ടിരിക്കുന്നത്. മൂന്നു തുടർതോൽവികൾ ഏറ്റുവാങ്ങിയ പാകിസ്‍താന് രൂക്ഷ വിമർശനമാണ് ഉയരുന്നത്. അഫ്ഗാനിസ്ഥാനെതിരേ നാണംകെട്ട തോൽവി ഏറ്റുവാങ്ങിയതിനു പിന്നാലെ ടീമിനെതിരേ കടുത്ത വിമർശനവുമായി മുൻ ക്യാപ്റ്റനും കമന്റേറ്ററുമായ വസീം അക്രം രഗത്തെത്തിയിരിക്കുകയാണ്. ദിവസവും എട്ടു കിലോ മട്ടണാണ് ഇവർ ഓരോരുത്തരും വിഴുങ്ങുന്നത്, പിന്നെ എങ്ങനെ ഫിറ്റ്‌നസ് ഉണ്ടാകുമെന്നായിരുന്നു അക്രത്തിന്റെ വിമർശനം. പാകിസ്താൻ ക്യാപ്റ്റൻ ബാബർ അസമും ടീമും രാജിവച്ചൊഴിയണമെന്ന പാക് നടി സെഹർ ഷിൻവാരിയുടെ എക്സിലെ പോസ്റ്റും ഇപ്പോൾ ചർച്ചയാകുന്നുണ്ട്.

Story Highlights: Wasim Akram lashes out after Pakistan’s embarrassing loss