രാജസ്ഥാനിൽ ബിജെപിയുടെ സർപ്രൈസ്; കന്നി എംഎൽഎ ഭജൻലാൽ ശർമ പുതിയ മുഖ്യമന്ത്രി
രാജസ്ഥാനിൽ കന്നി എംഎൽഎയെ മുഖ്യമന്ത്രിയാക്കി ബിജെപിയുടെ സർപ്രൈസ്. ഭജൻലാൽ ശർമയെ രാജസ്ഥാന്റെ അടുത്ത മുഖ്യമന്ത്രിയായി ബിജെപി നിശ്ചയിച്ചു. സാങ്കനേറിൽ നിന്നുള്ള എംഎൽഎയാണ് ഭജൻലാൽ ശർമ. ബ്രാഹ്മണ വിഭാഗത്തിൽ നിന്നുള്ള നേതാവും ബിജെപി സംസ്ഥാന ജനറൽ സെക്രട്ടറിയുമാണ് അദ്ദേഹം. ദിയാ കുമാരിയും പ്രേം ചന്ദ് ബൈർവയും രാജസ്ഥാന്റെ പുതിയ ഉപമുഖ്യമന്ത്രിമാരാകും. വാസുദേവ് ദേവ്നാനിയാകും നിയമസഭാ സ്പീക്കർ. (Bhajan Lal Sharma is next Rajasthan Chief Minister)
മുൻ മുഖ്യമന്ത്രി വസുന്ധരരാജെ സിന്ധ്യ, ഗജേന്ദ്ര ഷെഖാവത്ത്, മഹന്ത് ബാലക്നാഥ്, ദിയാ കുമാരി, അനിത ഭാദേൽ, മഞ്ജു ബാഗ്മർ, അർജുൻ റാം മേഘ്വാൾ മുതലായവരുടെ പേരുകൾ മുഖ്യമന്ത്രിയെ തീരുമാനിക്കുന്ന വേളയിൽ സജീവമായി ചർച്ചയിലുണ്ടായിരുന്നു. പക്ഷേ അപ്രതീക്ഷിതമായി ഭജൻലാൽ ശർമയെ പുതിയ മുഖ്യമന്ത്രിയായി കേന്ദ്രമന്ത്രി രാജ്നാഥ് സിംഗ് പ്രഖ്യാപിക്കുകയായിരുന്നു. വസുന്ധരരാജെ സിന്ധ്യയാണ് ഭജൻലാൽ ശർമയുടെ പേര് മുന്നോട്ടുവച്ചത്.
Read Also : നിഴലായി കാവലാള്; മെസിക്കുവേണ്ടി മാത്രം ബോഡിഗാര്ഡ്; വൈറലായി യുഎസ് മുന് സൈനികന് യാസിന് ചുക്കോ
ബിജെപിയുടെ സംസ്ഥാന സെക്രട്ടറിയായി നാലുടേമുകളിൽ പ്രവർത്തിച്ചിട്ടുള്ളയാളാണ് ഭജൻ ലാൽ ശർമ. 97,081 വോട്ടുകൾ നേടിയ കോൺഗ്രസിന്റെ പുഷ്പേന്ദ്ര ഭരദ്വാജിനെ തറപറ്റിച്ചാണ് 145,162 വോട്ടുകൾ നേടി ഭജൻലാൽ സഭയിലെത്തുന്നത്. കന്നി എംഎൽഎ ആണെങ്കിലും ഭജൻ ലാൽ ശർമ കാലങ്ങളായി ആർഎസ്എസിലും എബിവിപിയിലും പ്രവർത്തിച്ചുവരികയായിരുന്നു.
Story Highlights: Bhajan Lal Sharma is next Rajasthan Chief Minister
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here