ഇനിയും ചൂടുകൂടും; ഞായറാഴ്ച വരെ 9 ജില്ലകളില് താപനില ഉയരാന് സാധ്യതയെന്ന് മുന്നറിയിപ്പ്
സംസ്ഥാനത്ത് ഞായറാഴ്ച്ച വരെ ഒന്പത് ജില്ലകളില് താപനില ഉയരാന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.പാലക്കാട്, കൊല്ലം, പത്തനംതിട്ട, കോട്ടയം, തൃശ്ശൂര്, ആലപ്പുഴ, എറണാകുളം, കോഴിക്കോട്, കണ്ണൂര് ജില്ലകളില് യെല്ലോ മുന്നറിയിപ്പ് നല്കി. പാലക്കാട്, കൊല്ലം ജില്ലകളില് ഉയര്ന്ന താപനില 39°C വരെയും, പത്തനംതിട്ട, കോട്ടയം ജില്ലകളില് ഉയര്ന്ന താപനില 38°C വരെയും, തൃശൂരില് 37°C വരെയും ആലപ്പുഴ, എറണാകുളം, കോഴിക്കോട്, കണ്ണൂര് ജില്ലകളില് ഉയര്ന്ന താപനില 36°C വരെയും താപനില ഉയരാന് സാധ്യതയുണ്ട്. സാധാരണ രേഖപ്പെടുത്തുന്നതിനേക്കാള് രണ്ടു മുതല് നാലു ഡിഗ്രി സെല്ഷ്യസ് വരെ താപനില വര്ധനവ് ഉണ്ടായേക്കാം. (temperature will increases in 9 districts in Kerala)
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകുമെന്നതിനാല് പൊതുജനങ്ങള് മുന്നറിയിപ്പുകള് പാലിക്കണമെന്ന് ദുരന്ത നിവാരണ അതോറിറ്റി വ്യക്തമാക്കി. തീപിടുത്തത്തിലുള്ള സാധ്യത നിലനില്ക്കുന്നതിനാല് ജാഗ്രത പാലിക്കണം. തെക്കന് കേരളത്തിലും മധ്യകേരളത്തിലും ഇടിമിന്നലോട് കൂടിയ ഒറ്റപ്പെട്ട വേനല് മഴയ്ക്കും സാധ്യതയുണ്ട്.
Story Highlights: temperature will increase in 9 districts in Kerala
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here