സവാള കയറ്റുമതി നിരോധനം നീട്ടി കേന്ദ്ര സർക്കാർ‌

സവാളയുടെ കയറ്റുമതി നിരോധനം നീട്ടി കേന്ദ്രസർക്കാർ. നേരത്തെ ഈ മാസം 31 വരെയാണ് നിരോധനം ഏർപ്പെടുത്തിയിരുന്നത്. ആഭ്യന്തര ലഭ്യത വർധിപ്പിക്കുന്നതിനും വില പിടിച്ചുനിർത്തുന്നതിനുമായി ഏർപ്പെടുത്തിയ നിരോധനം ഇനിയൊരു അറിയിപ്പുണ്ടാകുന്നത് വരെ നീട്ടിയതായിഡയറക്ടറേറ്റ് ജനറൽ ഓഫ് ഫോറിൻ ട്രേഡ് അറിയിച്ചു.(Govt extends ban on onion exports)
‌
സവാളയുടെ വില അനിയന്ത്രിതമായി വർധിച്ചതിനെ തുടർന്ന് 2023 ഡിസംബർ 8 നാണ് കേന്ദ്ര സർക്കാർ ഉള്ളി കയറ്റുമതി നിരോധിച്ചത്. ഇതിനിടെ നാഷണൽ കോഓപ്പറേറ്റീവ് എക്‌സ്‌പോർട്ട് ലിമിറ്റഡ് വഴി യുഎഇയിലേക്കും ബംഗ്ലാദേശിലേക്കും 64,400 ടൺ ഉള്ളി കയറ്റുമതി ചെയ്യാൻ സർക്കാർ അനുമതി നൽകിയിട്ടുണ്ട്. കയറ്റുമതി നിരോധിച്ചതിൽ കർഷകരും അതൃപ്തി അറിയിച്ചിരുന്നു.

Read Also ക്ഷീരോത്പാദനം വർധിപ്പിക്കാൻ പ്രോത്സാഹനം; മത്സ്യ കയറ്റുമതി ഇരട്ടിയാക്കും

ഈ മാസം ആദ്യവാരമാണ് യുഎഇ​യി​ലേ​ക്ക്​ സ​വാ​ള ക​യ​റ്റു​മ​തി ചെ​യ്യു​ന്ന​തി​നുള്ള നിരോധനം ഇന്ത്യ പിൻവലിച്ചത്. 14,400 ട​ൺ സ​വാ​ള​യാ​ണ്​ യു.​എ.​ഇ​യി​ലേ​ക്ക്​ ക​യ​റ്റു​മ​തി ചെ​യ്യാ​ൻ ഇ​ന്ത്യ​ൻ സ​ർ​ക്കാ​ർ അ​നു​വ​ദി​ച്ചി​ട്ടു​ള്ള​ത്. ഓ​രോ മൂ​ന്നു മാ​സ​ത്തി​ലും 3,600 ടൺ ക​യ​റ്റു​മ​തി ചെ​യ്യും. മാ​ർ​ച്ച് വ​രെ സ​വാ​ള ക​യ​റ്റു​മ​തി നി​രോ​ധി​ക്കുകയായിരുന്നെങ്കിലും കേ​ന്ദ്ര സ​ർ​ക്കാ​ർ പ്ര​ത്യേ​ക അ​നു​മ​തി​യു​ടെ അ​ടി​സ്ഥാ​ന​ത്തി​ൽ സ​വാ​ള ക​യ​റ്റു​മ​തി അ​നു​വ​ദിക്കുകയായിരുന്നു.

Story Highlights : Govt extends ban on onion exports