‘വാരണാസിയിലെ മഴ’ ജൂലിയുടെ കവിതാ സമാഹാരം പുരസ്കാര നിറവിൽ

ജൂലി ഗണപതി എഴുതിയ കവിതാ സമാഹാരം ‘വാരണാസിയിലെ മഴ’ പുരസ്കാര നിറവിൽ. പോയ വർഷം കൊല്ലത്ത് നടന്ന ലൈബ്രറി കൗൺസിൽ ഒരുക്കിയ പുസ്തകോത്സവത്തിൽ അഞ്ചു നാളുകളിൽ ഏറ്റവും വിറ്റ പുസ്തമായിരുന്നു ‘വാരണാസിയിലെ മഴ’. അതിൻ്റെ അംഗീകാരമായി ഇപ്പോൾ ഇന്ത്യ ബുക്ക് ഓഫ് റെക്കോർഡ്സ് ബഹുമതിയാണ് ലഭിച്ചിരിക്കുന്നത്.

ഒരു വ്യാഴവട്ടത്തിലേറെ ദുബായ് യിൽ ബിസിനസ് മാസികയിൽ പ്രവർത്തിച്ച, ചിത്രകല, വയലിൻ അധ്യാപാകയായും ജോലി നോക്കിയ ജൂലി ഒരു വർഷമായി ലണ്ടനിൽ റേഡിയോ ലൈമിൽ ജോക്കിയാണ്. 2020ൽ രാജീവ് ഗാന്ധി ഫൗണ്ടേഷൻ്റെ ഷാർജ കവിതാ പുരസ്കാരവും 2023 ൽ മുംബൈ ജ്വാല സാഹിത്യ പുരസ്കാരവും ജൂലിക്ക് ലഭിച്ചിട്ടുണ്ട്. കൊല്ലം അഞ്ചാലുംമൂട് വെട്ടു വിള തെക്കേമൂലയിൽ കെ. ചെല്ലപ്പൻ്റെയും എം.കെ.പൊന്നമ്മയുടെയും പുത്രിയാണ് ജൂലി ഗണപതി.

Story Highlights : Julie’s ‘Varanasiyile Mazha’ award