മുന്നറിയിപ്പില്ലാതെ അവധിയെടുത്ത് മുങ്ങി; കെഎസ്ആര്ടിസി ജീവനക്കാര്ക്കെതിരെ കൂട്ട നടപടി
![Action against KSRTC employees Pathanapuram](https://www.twentyfournews.com/wp-content/uploads/2024/05/Action-against-KSRTC-employees-Pathanapuram.jpg?x93056)
മുന്നറിയിപ്പില്ലാതെ അവധിയെടുത്ത് മുങ്ങിയ കെഎസ്ആര്ടിസി ജീവനക്കാര്ക്കെതിരെ കൂട്ട നടപടി. പത്തനാപുരം ഡിപ്പോയിലെ 14 ജീവനക്കാര്ക്കെതിരെയാണ് നടപടി. കൂട്ട അവധിയെടുത്തതിന് 16 സ്ഥിരം ഡ്രൈവര്മാരെ സ്ഥലംമാറ്റി.നാല് ഡ്രൈവര്മാരെ സര്വീസില് നിന്ന് മാറ്റി.
മദ്യപിച്ച് ജോലിക്കെത്തുന്നവരെ പിടികൂടാന് കെ എസ് ആര് ടി സി വിജിലന്സ് എത്തിയത് അറിഞ്ഞാണ് ജീവനക്കാര് മുങ്ങിയത്. മുന്നറിയിപ്പില്ലാതെഅവധിയെടുത്തതിനാല് പത്തനാപുരം യൂണിറ്റിലെ നിരവധി സര്വീസുകള് റദ്ദ് ചെയ്തു. യാത്രക്കാർക്കുണ്ടായ അസൗകര്യത്തിന് പുറമേ 1,88,665 രൂപയുടെ സാമ്പത്തിക നഷ്ടവും കെഎസ്ആർടിസിക്കുണ്ടായി.
ഒരു വിഭാഗം ജീവനക്കാരുടെ നിരുത്തരവാദപരമായ രീതികള് ഒരു തരത്തിലും അനുവദിക്കാന് കഴിയില്ലെന്നും ഇത്തരക്കാര്ക്കെതിരെ ശക്തമായ നടപടികള് ഉണ്ടാകുമെന്നും കെഎസ്ആര്ടിസി ചെയര്മാന് ആന്റ് മാനേജിംഗ് ഡയറക്ടറുടെ ഓഫീസ് പുറത്തിറക്കിയ കുറിപ്പിൽ പറഞ്ഞു.
Story Highlights : Action against KSRTC employees Pathanapuram
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here