കൊച്ചി പുതുവൈപ്പ് ബീച്ചിൽ യുവാക്കൾ തിരയിൽപ്പെട്ടു; ഒരാൾ മരിച്ചു; രണ്ടു പേരുടെ നില ഗുരുതരം

കൊച്ചി പുതുവൈപ്പ് ബീച്ചിൽ അപകടം. ഒരാൾ മുങ്ങി മരിച്ചു. മൂന്നു യുവാക്കൾ തിരയിൽപ്പെടുകയായിരുന്നു. രണ്ടു യുവാക്കളുടെ നില ​ഗുരുതരമാണ്. ഇന്ന് പുലർച്ചെയാണ് കലൂരിൽ നിന്ന് ഏഴം​ഗ സംഘം ബീച്ചിൽ കുളിക്കുന്നതിനായി പുതുവൈപ്പിൽ എത്തിയത്. ഇതിൽ ആറു പേരാണ് ബീച്ചിൽ ഇറങ്ങിയത്. മൂന്നു പേർ തിരയിൽപ്പെടുകയായിരുന്നു.

കത്രിക്കടവ് സ്വദേശി അഭിഷേക്(23)ആണ് മരിച്ചത്. കടലിൽ ഒപ്പം ഇറങ്ങിയ മിലൻ, ആൽവിൻ ​എന്നിവരെ ​ഗുരുതരാവസ്ഥയിൽ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. യുവാവിന്റെ മൃതദേഹം ആശുപത്രിയിൽ സൂക്ഷിച്ചിരിക്കുകയാണ്.

Story Highlights : Young man Drowned and died in Kochi