തൃശൂർ പൂരം വെടിക്കെട്ട്; ‘കോടതിയെ കാര്യങ്ങൾ ബോധിപ്പിക്കുന്നതിൽ വിഴ്ച’; സുരേഷ് ​ഗോപി

തൃശൂർ പൂരം വെടിക്കെട്ടിൽ വീണ്ടും വിമർശനവുമായി കേന്ദ്രമന്ത്രി സുരേഷ് ഗോപി. കോടതിയെ കൃത്യമായി കാര്യങ്ങൾ ധരിപ്പിക്കാത്തതാണ് കഴിഞ്ഞ തവണ ലാത്തിച്ചാർജിലേക്ക് നയിച്ചതെന്ന് സുരേഷ് ​ഗോപി കുറ്റപ്പെടുത്തി. കോടതിയെ കൃത്യമായി കാര്യങ്ങൾ ധരിപ്പിച്ചാൽ പൂർണമനസ്സോടെ അനുമതി നൽകും. അത് കളക്ടർക്കും കമ്മീഷണർക്കുമറിയാമെന്ന് സുരേഷ് ​ഗോപി പറഞ്ഞു.

ഹൈക്കോടതിയെ കാര്യങ്ങൾ ബോധ്യപ്പെടുത്താൻ സാധിക്കണമെന്ന് സുരേഷ് ​ഗോപി പറഞ്ഞു. 100 മീറ്റർ നിശ്ചയിക്കുമ്പോൾ തന്നെ രണ്ടാമത്തെ വെടിക്കെട്ട് നടക്കുമ്പോൾ പലരും 500 മീറ്റർ അകലെയാണ് നിൽക്കുന്നത്. വെടിക്കെട്ട് കാണാനുള്ള ദൂരപരിധി നിശ്ചയിക്കുന്നതിൽ അശാസ്ത്രീയതയുണ്ടെന്ന് കേന്ദ്രമന്ത്രി പറഞ്ഞു.

Read Also: താരങ്ങൾക്കെതിരെ ഒന്നൊഴിയാതെ വരുന്ന ആരോപണങ്ങൾ; അമ്മയിൽ സമാനതകളില്ലാത്ത പ്രതിസന്ധി

കാക്കിയിട്ടവൻ കഴിഞ്ഞതവണ തല്ലിയോടിച്ചത് ഒഴിച്ചാൽ വലിയ മാനസികതയുള്ള ഉത്സവമാണ് തൃശൂരിന്റേതെന്ന് സുരേഷ് ​ഗോപി പറഞ്ഞു. പി ണക്കം തീർക്കുന്ന വേദികളാണ് പൂരപ്പറമ്പുകളെന്ന് അദ്ദേഹം കൂട്ടിച്ചേർത്തു. വെടിക്കെട്ടിന്റെ ഫയർ ലൈനിൽ നിന്നും 100 മീറ്റർ അകലെ നിന്നാണ് ഇപ്പോൾ വെടിക്കെട്ട് കാണാനാകുക. കേന്ദ്രസർക്കാരിന് കീഴിലെ പെസോയുടെ നിർദ്ദേശം 100 മീറ്ററാണ്.

Story Highlights : Union Minister Suresh Gopi again criticized in Thrissur Pooram fireworks