അടിമുടി മാറി തിളങ്ങുന്ന കേരള ഭാഗ്യക്കുറി

കേരള സംസ്ഥാന ഭാഗ്യക്കുറിയെ ജനഹൃദയങ്ങൽ ഏറ്റെടുത്തതിൽ അതി നിർണായക സ്ഥാനം ഭാഗ്യക്കുറിയുടെ രൂപകൽപ്പനയ്ക്കുമുണ്ട്. സാങ്കേതിക വിദഗ്ധരുടെ നിർദേശങ്ങളോടെ ഓരോ ഭാഗ്യകുറിയുടെയും സവിശേഷതകൾ നഷ്ടമാകാതെ ഭാഗ്യക്കുറി വകുപ്പിന്റെ സെക്യൂരിറ്റി ഡിസൈൻ ലാബിലാണ് ഭാഗ്യകുറി ഡിസൈൻ ചെയ്യുന്നത്. ലോട്ടറി വിൽപ്പനയിലെ വളർച്ചയ്ക്കും നവീനമായ ഡിസൈനുകൾ സഹായകരമായിട്ടുണ്ട് .

ഡിസൈനുകളുടെ വൈവിധ്യത്തിനൊപ്പം വ്യാജന്മാരിൽ നിന്നും വേറിട്ട് നിൽക്കുന്നതിന് വേണ്ടി വിട്ടു വീഴച്ചകളില്ലാത്ത സുരക്ഷാ സംവിധാനങ്ങൾ രൂപകൽപ്പന ചെയ്യുമ്പോൾ തന്നെ സെക്യൂരിറ്റി ഡിസൈൻ ലാബിൽ നിന്ന് ഉൾപ്പെടുത്തുന്നു. പല ഘട്ടങ്ങളിലൂടെ ഈ സുരക്ഷാ സംവിധാനങ്ങൾ പരിശോധിച്ചുറപ്പിച്ചാണ് ടിക്കറ്റുകൾ വിപണിയിലെത്തുന്നത്.

ആകർഷകമായ ഡിസൈനിൽ ടിക്കറ്റ് നിർമിക്കുക എന്നതിനൊപ്പം കേരളത്തിന്റെ സാംസ്‌കാരിക സാമൂഹിക സാഹചര്യങ്ങളും ടിക്കറ്റിന്റെ രൂപകൽപ്പനയിൽ സ്വാധീനിക്കുന്ന ഘടകങ്ങളായി മാറാറുണ്ട്. കാലഘട്ടമനുസരിച്ച്, ആളുകളുടെ ഇഷ്ടങ്ങളിൽ വരുന്ന മാറ്റങ്ങളും ടിക്കറ്റിന്റെ നിറമടക്കമുള്ള കാര്യങ്ങളിൽ തീരുമാനങ്ങളെടുക്കുമ്പോൾ ശ്രദ്ധിക്കാറുണ്ട്. കെട്ടിലും മട്ടിലും ഭാഗ്യക്കുറി കിടിലനാണ് എന്നുറപ്പിക്കാം .കഴിഞ്ഞ ഓണം ബമ്പറിൽ വന്ന ഫ്ലൂറസെന്റ് നിറം സുരക്ഷ ഉറപ്പാക്കുന്ന ഘടകമാണ്.

Story Highlights : Kerala State Lotteries designs