‘അകലെ ഒരു പൊന്നോണം’; ഓണപ്പാട്ടുമായി ഖത്തർ മലയാളികൾ

മലയാളികളുടെ ആവേശകരമായ ഉത്സവകാലമാണ് ഓണം നാളുകൾ. ഇപ്പോഴിതാ ഓണത്തിനോടനുബന്ധിച്ച് ഖത്തർ മലയാളികൾ പുറത്തിറക്കിയ ​ഗാനം ശ്രദ്ധേയമാവുകയാണ്. ‘അകലെ ഒരു പൊന്നോണം’ എന്ന പേരിലാണ് ​ഗാനം പുറത്തിറക്കിയിരിക്കുന്നത്. ഖത്തറിൽ നിന്നുള്ള മുൻ ഇന്ത്യൻ നേവി സംഗീതജ്ഞരാണ് ​ഗാനം ഒരുക്കിയിരിക്കുന്നത്.

ഷൈജു ജോസഫ് തൃശൂരാണ് സം​ഗീത സംവിധായകൻ. കെ.വിജയശ്രീധർ ​രചിച്ച ഗാനം ശ്രീരാഗ് കണ്ണൻ, സ്കറിയ ജേക്കബ്, ഷൈജു ജോസഫ്, ജിൻസൺ പി ജോസ് എന്നിവരാണ് ആലപിച്ചിരിക്കുന്നത്. മിലൻഷാ മാലൂർ ആണ് വീഡിയോ എഡിറ്റിം​ഗ് നിർവ​ഹിച്ചിരിക്കുന്നത്. ഓടക്കുഴൽ: പ്രതാപൻ, സാക്സ് : പ്രസൂൺ ആർ കൃഷ്ണ, ബാസ്: മോഹൻ ക്ഷേത്രി, റിതം : സുദർ പ്രതാപ്, കോറസ്: മുകേഷ് നായർ, ബിജുമോൻ, ഡാനി ചാക്കോ, നിതിൻ തോമസ്, ഡിഒപി: അനന്തു ആലപ്പുഴ എന്നിവരാണ് പിന്നണി പ്രവർത്തകർ.

Story Highlights : Qatar Malayalees with Onam song