തിരുവനന്തപുരത്ത് ഓട്ടോറിക്ഷ തോട്ടിലേക്ക് മറിഞ്ഞ് മധ്യവയസ്കനെ കാണാതായി

തിരുവനന്തപുരം മരുതൂർ, കുളംവെട്ടിവിളയിൽ ഓട്ടോറിക്ഷ തോട്ടിലേക്ക് മറിഞ്ഞ് മധ്യവയസ്കനെ കാണാതായി. കല്ലയം പ്ലാവിള സ്വദേശി വിജയനെയാണ് കാണാതായത്. വൈകുന്നേരം ആറുമണിയോടെയാണ് അപകടം. സുരേഷ് എന്ന വ്യക്തിയുടെ ഓട്ടോയിൽ സഞ്ചരിക്കുകയായിരുന്നു. ഓട്ടോ ഡ്രൈവർ സുരേഷ് രക്ഷപ്പെട്ടു. ഓട്ടോറിക്ഷ പൂർണമായി തകർന്നു.

നിയന്ത്രണം നഷ്ടപ്പെട്ട് ഓട്ടോ തോട്ടിലേക്ക് വീണതെന്നാണ് പ്രാഥമിക നിഗമനം. തോട്ടിൽ നിന്ന് റോഡിലേക്ക് വെള്ളം കരകവിഞ്ഞ് ഒഴുകിയിരുന്നു. കനത്ത മഴയെ തുടർന്ന് തോട്ടിൽ കുത്തൊഴുക്ക് ആയിരുന്നു. പോലീസും ഫയർഫോഴ്സും നാട്ടുകാരും ചേർന്ന് തിരച്ചിൽ നടത്തിയെങ്കിലും കണ്ടെത്താനായില്ല. തോട്ടിൽ ശക്തമായ കുത്തൊഴുക്കാണ് തിരച്ചിലിന് തിരിച്ചടിയായത്. തിരച്ചിൽ നാളെയും തുടരുമെന്ന് മണ്ണന്തല പോലീസ് അറിയിച്ചു.

Story Highlights : man goes missing after auto-rickshaw plunges into stream in Thiruvananthapuram