Advertisement

ഇടതുവശത്തുകൂടെ അതിവേ​ഗത്തിലെത്തി KSRTC; അപകടകരമായി ബസ് ഓടിച്ച സംഭവത്തിൽ കേസെടുത്ത് പൊലീസ്

December 29, 2024
Google News 2 minutes Read

കോട്ടയം പതിനെട്ടാം മൈൽ അപകടകരമായ രീതിയിൽ ബസ്സോടിച്ച കെഎസ്ആർടിസി ഡ്രൈവർക്കെതിരെ സ്വമേധയാ കേസെടുത്ത് പൊലീസ്. അപകടകരമായ രീതിയ ബസ് ഓടിച്ചതിനാണ് കെഎസ്ആർടിസി ഡ്രൈവർക്കെതിരെ കേസ്. പള്ളിക്കത്തോട് പൊലീസ് സ്വമേധയാ കേസ് എടുത്ത് അന്വേഷണം ആരംഭിച്ചു. വഴിയിൽ നിർത്തി ആളെ ഇറക്കിയതിന് സ്വകാര്യ ബസ്സിനെതിരെയും കേസെടുത്തിട്ടുണ്ട്.

ഇന്നലെ പതിനെട്ടാം മൈലിലാണ് അപകടകരമായ രീതിയിൽ കെഎസ്ആർടിസി ബസ്സോടിച്ചത്. സ്വകാര്യ ബസ്സുമായുള്ള മത്സര ഓട്ടത്തിനിടയിൽ ആയിരുന്നു കെഎസ്ആർടിസിയുടെ അപകടകരമായ രീതിയിലെ യാത്ര. സ്വകാര്യ ബസ് റോഡിൽ നിർത്തി ആളെ ഇറക്കുമ്പോൾ ഇടതുവശത്തുകൂടി അമിതവേഗത്തിൽ കെഎസ്ആർടിസി കടന്നുപോവുകയായിരുന്നു. യുവതി അപകടത്തിൽ നിന്ന് തലനാരിഴക്കാണ് രക്ഷപ്പെട്ടത്. കോട്ടയത്തു നിന്ന് കുമളിക്ക് പോയ കെഎസ്ആർടിസി ബസാണ് അപകടകരമായ രീതിയിൽ ഓടിച്ചത്.

സ്ഥലമുണ്ടായിട്ടും സ്വകാര്യ ബസ് ആളെയിറക്കിയത് റോഡിൽ തന്നെ നിർത്തിയായിരുന്നു. അപകടകരമായ രീതിയിൽ കെ.എസ്.ആർ.ടി.സി കടന്നുപോകുന്നത് വീഡിയോ പുറത്ത് വന്നിരുന്നു. അതേസമയം കോട്ടയത്ത് ബസുകൾ തമ്മിൽ മത്സരയോട്ടവും കയ്യാങ്കളിയും തുടർക്കഥയാവുകയാണ്. സ്വകാര്യ ബസ്സമ.യം മാറി ഓടിയെന്ന് ആരോപിച്ച് പിന്തുടർന്ന മറ്റൊരു ബസ് ചില്ല് അടിച്ച് തകർത്തു.

Read Also: വീണ്ടും ജീവനെടുത്ത് കാട്ടാന; ഇടുക്കിയിൽ 22കാരന് ദാരുണാന്ത്യം

കോട്ടയം കോടിമതയിൽ ഇന്നലെ വൈകുന്നേരം ആണ് സംഭവം ഉണ്ടായത്. ബ്ലോക്കിൽ കിടന്ന് താമസിച്ച തണ്ടപ്ര സ്വകാര്യ ബസ് വൈകിയൊടിയതാണ് തർക്കത്തിന് കാരണം.ഇതേ തുടർന്ന് വിജയലക്ഷ്മി ബസ് തണ്ടപ്പസിനെ പിന്തുടർന്ന് തടയുകയായിരുന്നു. ബസ്സിൽ യാത്രക്കാർ ഉള്ളപ്പോൾ ആയിരുന്നു ഈ അപകട ഡ്രൈവിംഗ്. വിജയലക്ഷ്മി ബസ്സിലെ ജീവനക്കാർ ബസ്സിൽ നിന്നിറങ്ങി തണ്ടപ്ര ബിൽ തകർക്കുന്നതും സിസിടിവി ദൃശ്യങ്ങളിൽ ഉണ്ട്. സംഭവത്തിൽ ചിങ്ങവനം പോലീസ് കേസെടുത്തു അന്വേഷണം ആരംഭിച്ചുിരുന്നു.

Story Highlights : Case against KSRTC driver for speeding in Kottayam

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here