ചാറ്റ്‌ജിപിടിയിൽ ഇനി പുതിയ ഫീച്ചർ ‘ടാസ്‌ക്‌സ്’

ചാറ്റ്‌ജിപിടിയിൽ പുതിയൊരു ഫീച്ചർ അവതരിപ്പിച്ചിരിക്കുകയാണ് ഓപ്പൺ എഐ. ഇനി മുതൽ ചാറ്റ്‌ജിപിടിയെ വ്യക്തിഗത അസിസ്റ്റന്റായി ഉപയോഗിക്കാം. ഈ പുതിയ ഫീച്ചറിന്റെ പേര് ടാസ്‌ക്‌സ് എന്നാണ്. ടാസ്ക്സ് വഴി ചാറ്റ്‌ജിപിടിയെ ചില ജോലികൾ പറഞ്ഞേൽപ്പിക്കാൻ സാധിക്കും. അലാറം സെറ്റ് ചെയ്യാനും, നടക്കാനിരിക്കുന്ന മീറ്റിങ് ഓര്‍മിപ്പിക്കാനുമെല്ലാം ഇതുവഴി ചാറ്റ് ജി.പി.ടിയെ ചുമതലപ്പെടുത്താനാവും. [‘Tasks’ in ChatGPT]

സാധാരണ റിമൈന്റര്‍ ആപ്പുകളെ പോലെ ദിവസേന റിമൈന്ററുകള്‍ നല്‍കാന്‍ ചാറ്റ് ജി.പി.ടിയ്ക്ക് സാധിക്കും. റിമൈന്ററുകള്‍ക്ക് പുറമെ കൂടുതല്‍ വിശദാംശങ്ങള്‍ നല്‍കാനുള്ള നിര്‍ദേശവും നേരത്തെ പറഞ്ഞുവെക്കാം. ഇതുമായി ബന്ധപ്പെട്ട് ഓപ്പണ്‍ എഐ ഒരു ഡെമോ വീഡിയോ പങ്കുവെച്ചിട്ടുണ്ട്.

Read Also: വാട്സ്ആപ്പില്‍ പുത്തൻ നാല് ഫീച്ചറുകളുമായി മെറ്റ

ദിവസേനയുള്ള വാര്‍ത്തകള്‍ അറിയാനും, ഓഹരി നിരക്കുകള്‍ അറിയിക്കാനും ചാറ്റ് ജി.പി.ടിയെ ഉപയോഗിക്കാനാവും.മറ്റൊരു ആപ്പിന്റെ സഹായമില്ലാതെ ഈ ജോലികളെല്ലാം ചാറ്റ് ജി.പി.ടിയില്‍ തന്നെ സാധിക്കുമെന്നതാണ് പ്രത്യേകത. നിലവില്‍ ചാറ്റ് ജി.പി.ടിയുടെ സബ്‌സ്‌ക്രിപ്ഷന്‍ എടുത്തവര്‍ക്ക് മാത്രമേ ഈ സൗകര്യം ലഭിക്കൂ. സൗജന്യ ഉപഭോക്താക്കള്‍ ഇനിയും കാത്തിരിക്കേണ്ടി വരും.

Story Highlights : New feature ‘Tasks’ in ChatGPT