തമ്പാനൂരിൽ ഹോട്ടൽ മുറിയിൽ സഹോദരങ്ങളെ മരിച്ച നിലയിൽ കണ്ടെത്തി

തമ്പാനൂരിൽ ഹോട്ടൽ മുറിയിൽ രണ്ടുപേരെ മരിച്ച നിലയിൽ കണ്ടെത്തി. മഹാരാഷ്ട്ര സ്വദേശികളായ സഹോദരങ്ങളാണ് മരിച്ചത്. ആത്മഹത്യയെന്നാണ് പ്രാഥമിക നിഗമനം. ഇന്ന് രാവിലെയാണ് തമ്പാനൂർ പോലീസ് സ്റ്റേഷൻ സമീപമുള്ള ശ്രീ വിനായക ടൂറിസ്റ്റ് ഹോമിൽ മഹാരാഷ്ട്ര സ്വദേശികളായ ദത്തായ് കൊണ്ടിബ ബമൻ, മുക്താ കൊണ്ടിബ ബമൻ എന്നിവരെ മരിച്ച നിലയിൽ കണ്ടെത്തിയത്.

കഴിഞ്ഞ വെള്ളിയാഴ്ച ഹോട്ടൽ മുറിയെടുത്ത ഇവർ റൂം നമ്പർ 311 ലായിരുന്നു താമസിച്ചിരുന്നത്.. ജീവനക്കാർ പലവട്ടം മുട്ടിയിട്ടും വാതിൽ തുറക്കാഞ്ഞതോടെ വിവരം പോലീസിൽ അറിയിച്ചു. തുടർന്ന് വാതിൽ പൊളിച്ച് അകത്ത് കടന്ന പോലീസ് സംഘമാണ് മൃതദേഹം കണ്ടെടുത്തത്. പുരുഷന്‍ കെട്ടിത്തൂങ്ങിയ നിലയിലും സ്ത്രീ ബെഡിൽ മരിച്ചനിലയിലായിരുന്നു.
ഇരുവരുടെയും മരണം ആത്മഹത്യ എന്നാണ് പ്രാഥമിക നിഗമനം. മുറിയിൽനിന്ന് ആത്മഹത്യാക്കുറിപ്പ് കണ്ടെത്തി. തൊഴിലില്ലായ്മയും അനാഥത്വവും മൂലമാണ് ജീവിതസാനിപ്പിക്കുന്നത് ബന്ധുക്കൾ വന്നാൽ മൃതിദേഹം വിട്ടുകൊടുക്കരുതെന്നും ആത്മഹത്യ കുറിപ്പിൽ പറയുന്നു.

സഹോദരൻ സഹോദരിയെ കൊന്നു ആത്മഹത്യ ചെയ്തു എന്ന സംശയവും പോലീസ് തള്ളിക്കളയുന്നില്ല.പോലീസ് ഫോറൻസിക് സംഘം ഹോട്ടൽ മുറിയിൽ എത്തി പരിശോധന ആരംഭിച്ചു . ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റ്മോർട്ടത്തിനായി കൊണ്ട് പോകും.

Story Highlights : Brother and Sister found dead in hotel room in Thampanoor