‘2022ല്‍ ആത്മഹത്യ ചെയ്തത് 1.25 ലക്ഷം പുരുഷന്‍മാര്‍’; പീഡന നിയമങ്ങള്‍ ജെന്‍ഡര്‍ ന്യൂട്രലാക്കണമെന്ന ആവശ്യവുമായി ബിജെപി എംപി

ഗാര്‍ഹിക പീഡന നിയമങ്ങളടക്കം ജന്‍ഡര്‍ ന്യൂട്രലാക്കണമെന്ന ആവശ്യവുമായി ബിജെപി എംപി ദിനേശ് ശര്‍മ. സ്ത്രീകള്‍ക്കും പുരുഷന്മാര്‍ക്കും സന്തുലിത നിയമം ആവശ്യമാണെന്നാണ് അദ്ദേഹം രാജ്യസഭയില്‍ ആവശ്യപ്പെട്ടത്. 2022ല്‍ ആത്മഹത്യ ചെയ്തവരില്‍ 72 ശതമാനവും പുരുഷന്മാരാണെന്ന് നാഷണല്‍ ക്രൈം റെക്കോര്‍ഡ്‌സ് ബ്യൂറോയുടെ (എന്‍സിആര്‍ബി) കണക്കുകള്‍ ഉദ്ധരിച്ച് അദ്ദേഹം പറഞ്ഞു. അതില്‍ തന്നെ ഗാര്‍ഹികമായ കാരണങ്ങളാല്‍ ആത്മഹത്യ ചെയ്യുന്ന പുരുഷന്‍മാരുടെ എണ്ണം കുത്തനെ വര്‍ധിച്ചതും അദ്ദേഹം എടുത്തു പറയുന്നു.

ദേശീയ ക്രൈം റെക്കോര്‍ഡ്‌സ് ബ്യൂറോയുടെ കണക്കനുസരിച്ച്, 2022-ല്‍ ഇന്ത്യയില്‍ ആത്മഹത്യ ചെയ്തവരില്‍ 72 ശതമാനവും പുരുഷന്മാരാണ്. 1,25,000-ലധികം പുരുഷന്മാര്‍ ആത്മഹത്യ ചെയ്തു. 47,000 സ്ത്രീകളാണ് ആത്മഹത്യ ചെയ്തത്. സ്ത്രീകളെ പീഡനത്തില്‍ നിന്നും ഗാര്‍ഹിക പീഡനത്തില്‍ നിന്നും സംരക്ഷിക്കുന്ന തരത്തിലുള്ളതാണ് നമ്മുടെ നിയമങ്ങള്‍. പുരുഷന്‍മാരുടെ സംരക്ഷണത്തിനായി ഇത്തരം നിയമങ്ങളില്ലാത്തത് ആശങ്കാജനകമാണ് – അദ്ദേഹം ചൂണ്ടിക്കാട്ടി.

തെറ്റായ ആരോപണങ്ങള്‍ നേരിടുന്ന പുരുഷന്മാര്‍ക്ക് നിയമപരവും വൈകാരികവുമായ പിന്തുണയുടെ അഭാവമുണ്ടെന്നത് ചൂണ്ടിക്കാട്ടാന്‍ ടെക്കിയായ അതുല്‍ സുഭാഷിന്റെ ആത്മഹത്യയുമായി ബന്ധപ്പെട്ട കേസും അദ്ദേഹം ചൂണ്ടിക്കാട്ടി. തെറ്റായ ആരോപണങ്ങള്‍ നേരിടുന്ന പുരുഷന്മാര്‍ക്ക് നിയമപരവും വൈകാരികവുമായ പിന്തുണ വേണ്ടത്ര ലഭിക്കുന്നില്ലെന്ന് ഈ സംഭവം എടുത്തുകാണിക്കുന്നു. ബിഎന്‍എസിന്റെ സെക്ഷന്‍ 85 പോലുള്ള വകുപ്പുകളുടെ ദുരുപയോഗവും ആശങ്കാജനകമാണ്. ഗാര്‍ഹിക പീഡനം, പീഡനം എന്നിവയുമായി ബന്ധപ്പെട്ട നിയമങ്ങള്‍ ലിംഗഭേദമില്ലാതെ ഉണ്ടാക്കാന്‍ ഞാന്‍ മന്ത്രിയോട് അഭ്യര്‍ത്ഥിക്കുന്നു, എന്നാല്‍ എല്ലാവര്‍ക്കും നീതി ലഭിക്കും – അദ്ദേഹം വ്യക്തമാക്കി.

അതുല്‍ സുഭാഷും നികിത സിംഘാനിയയും 2019ല്‍ വിവാഹിതരാവുകയും 2020ല്‍ മകന്‍ ജനിക്കുകയും ചെയ്തു. 2021 ല്‍ ഭാര്യ നികിത കുട്ടിയേയും കൊണ്ട് മാറി താമസിക്കുകയും കേസ് ഫയല്‍ ചെയ്യുകയും ചെയ്തു. രണ്ട് വര്‍ഷത്തിന് ശേഷം ഡിസംബര്‍ 9ന് ബംഗളൂരുവിലെ ഫ്ളാറ്റില്‍ സുഭാഷ് ജീവനൊടുക്കുകയായിരുന്നു.

#WATCH | Speaking on gender-neutral laws, BJP MP in Rajya Sabha, Dinesh Sharma said, "…There is a need for a balanced law for both men and women. As per National Crime Records Bureau, of those who died by suicide in India in 2022, 72% were men – more than 1,25,000 men died by… pic.twitter.com/6XGDhguEz9

— ANI (@ANI) February 3, 2025

Story Highlights : BJP MP makes strong pitch for gender-neutral laws on domestic violence, harassment