മധ്യപ്രദേശിൽ യുദ്ധവിമാനം തകർന്നുവീണു

ഇന്ത്യൻ വ്യോമസേനയുടെ (ഐഎഎഫ്) ഇരട്ട സീറ്റുള്ള മിറാഷ് 2000 യുദ്ധവിമാനം മധ്യപ്രദേശിലെ ശിവപുരിക്ക് സമീപം തകർന്നുവീണു. പതിവ് പരിശീലനത്തിനിടെയാണ് സംഭവം. വിമാനത്തിലുണ്ടായിരുന്ന 2 പൈലറ്റുമാരും സുരക്ഷിതരാണെന്ന് അധികൃതർ അറിയിച്ചു. അപകട കാരണം കണ്ടെത്താൻ അന്വേഷണ കോടതി ഉത്തരവിട്ടിട്ടുണ്ട്.

ഫ്രാൻസിൻ്റെ ദസ്സാൾട്ട് ഏവിയേഷൻ നിർമ്മിച്ച മൾട്ടിറോൾ ഫൈറ്റർ ജെറ്റ് മിറാഷ് 2000, 1978 ലാണ് ആദ്യമായി പറന്നത്. ഫ്രഞ്ച് വ്യോമസേന 1984 ൽ ഇത് ഉൾപ്പെടുത്തി; 600 മിറാഷ് 2000 നിർമ്മിച്ചു, അതിൽ 50 ശതമാനവും ഇന്ത്യയുൾപ്പെടെ എട്ട് രാജ്യങ്ങളിലേക്കാണ് കയറ്റുമതി ചെയ്തതെന്ന് ദസ്സോ വെബ്‌സൈറ്റിൽ പറയുന്നു.
മിറാഷ് 2000-ൻ്റെ സിംഗിൾ സീറ്റർ പതിപ്പും ഉണ്ട്.

Read Also: നാല് വയസുകാരനടക്കം 12 കുട്ടികൾ, 25 സ്ത്രീകൾ; 40 മണിക്കൂർ നീണ്ട ആകാശയാത്ര; ആ 104 ഇന്ത്യാക്കാരുടെ മുന്നിൽ ജീവിതം ഇനിയൊരു ചോദ്യചിഹ്നം

ഐഎഎഫിൽ, മിറാഷ് 2000 കാർഗിൽ യുദ്ധത്തിൽ ഉപയോഗിച്ചിരുന്നു. ഭീകരരും പാകിസ്താൻ സേനയും കൈവശപ്പെടുത്തിയ കുന്നിൻമുകളിൽ അത് വളരെ കൃത്യതയോടെ ലേസർ ഗൈഡഡ് ബോംബുകൾ വർഷിക്കുകയുണ്ടായി. 2019 ഫെബ്രുവരിയിൽ പാകിസ്താനിലെ ബാലാകോട്ടിനുള്ളിലെ ഭീകരാക്രമണത്തിൽ മിറാഷ് 2000 ഉപയോഗിച്ചിരുന്നു.

Story Highlights : Air Force’s Mirage 2000 Fighter Jet Crashes Near Shivpuri In Madhya Pradesh