ഡൽഹി നിയമസഭ തിരഞ്ഞെടുപ്പ്: പോസ്റ്റൽ വോട്ടുകളിൽ ബിജെപിക്ക് മുൻതൂക്കം; അരവിന്ദ് കെജ്രിവാൾ പിന്നിൽ

ഡൽഹി നിയമസഭ തിരഞ്ഞെടുപ്പ് ആദ്യ ഫല സൂചനകൾ എത്തി തുടങ്ങുമ്പോൾ ബിജെപിക്ക് മുൻതൂക്കം. പോസ്റ്റൽ വോട്ടുകൾ എണ്ണി തീർന്നപ്പോഴാണ് ബിജെപി ലീഡ് പിടിച്ചത്. ആംആദ്മിയുടെ അരവിന്ദ് കെജ്രിവാൾ, മനീഷ് സിസോദിയ, അതിഷി എന്നീ പ്രമുഖ നേതാക്കൾ പിന്നിലാണ്. ആദ്യ ഫല സൂചനകൾ എഎപിയുടെ ആത്മവിശ്വാസത്തിന് പ്രഹമരമുണ്ടാക്കുന്നതാണ്. കോൺ​ഗ്രസ് ഒരു സീറ്റിൽ ലീഡ് ചെയ്യുന്നുണ്ട്.(Delhi assembly elections result 2025: BJP leads in postal votes)

70 അംഗ നിയമസഭയിലേക്ക്‌ 36 സീറ്റുകൾ നേടുന്നവർ സർക്കാരുണ്ടാക്കാം. കഴിഞ്ഞ തെരഞ്ഞെടുപ്പിൽ 62 സീറ്റുകൾ വിജയിച്ചാണ്‌ എഎപി ഭരണമുറപ്പിച്ചത്‌. 2015ൽ എഎപി 67 സീറ്റുകൾ നേടിയപ്പോൾ ബിജെപിക്ക്‌ മൂന്ന്‌ എംഎൽഎമാർ മാത്രമാണ് ഉണ്ടായത്‌. 2015ലും 2020ലും കോൺഗ്രസിന്‌ ഒറ്റ സീറ്റിൽ പോലും ജയിക്കാൻ കഴിഞ്ഞിരുന്നില്ല. 70 നിയമസഭാ മണ്ഡലങ്ങളിലായി 699 സ്ഥാനാർത്ഥികളാണ് ജനവിധി തേടിയത്. മൂന്നു പാർട്ടികളും വോട്ടർമാർക്ക് സൗജന്യങ്ങൾ വാരിക്കോരി വാഗ്ദാനം ചെയ്തിട്ടുണ്ട്.

Story Highlights : Delhi assembly elections result 2025: BJP leads in postal votes