വിദ്യാർഥികളേക്കൊണ്ട് ‘ജയ് ശ്രീറാം’ വിളിപ്പിച്ചു; തമിഴ്നാട് ഗവർണർ ആർഎൻ രവി വിവാ​​ദത്തിൽ

വിദ്യാർഥികളേക്കൊണ്ട് ജയ് ശ്രീറാം വിളിപ്പിച്ച തമിഴ്‌നാട് ഗവർണർ ആർ.എൻ. രവിയുടെ നടപടി വിവദ​ത്തിൽ. മധുരയിലെ സ്വകാര്യ എഞ്ചിനിയറിങ് കോളജിൽ നടന്ന പരിപാടിക്കിടെയാണ് ​ഗവർണർ വിദ്യാർഥികളോട് ജയ് ശ്രീറാം വിളിക്കാൻ ആവശ്യപ്പെട്ടത്. ​കോളേജ് ചടങ്ങിൽ മുഖ്യാതിഥിയായിരുന്ന ​ഗവർണർ വിദ്യാർത്ഥികളോടുള്ള തൻ്റെ പ്രസംഗം അവസാനിപ്പിച്ചത് ജയ് ശ്രീറാം വിളിക്കണമെന്ന അപ്രതീക്ഷിതമായ ആഹ്വാനത്തോടെയായിരുന്നു. ​

ഗവർണറുടെ നടപടിക്കെതിരെ രൂക്ഷവിമർശനമാണ് ഉയരുന്നത്. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്. ​ഗവർണർ ജയ് ശ്രീറാം വിളിക്കാൻ ആവശ്യപ്പെടുമ്പോൾ ചില വിദ്യാർത്ഥികൾ അത് ഏറ്റ് വിളിക്കുന്നത് ദ‍ൃശ്യങ്ങളിൽ കാണാവുന്നതാണ്. പ്രസംഗത്തിൽ ഗവർണർ ഡിഎംകെയേയും സംസ്ഥാന സർക്കാരിനേയും രൂക്ഷമായി വിമർശിച്ചു.

Read Also: ‘ഇവിടെ ക്രൈസ്തവ സ്നേഹം ക്യാപ്സൂൾ വിളമ്പുന്ന സംഘപരിവാറിന്റെ തനി നിറം ഓരോ സംഭവങ്ങളിലൂടെ വെളിച്ചത്ത് വരുന്നു’: കെ സി വേണുഗോപാൽ

ആർഎസ്എസിൻ്റെയും ബിജെപിയുടെയും ഭാഷയിൽ സംസാരിച്ച ഗവർണറുടെ പരാമർശം അപലപനീയമാണെന്ന് കോൺഗ്രസ് എംഎൽഎ ജെഎംഎച്ച് ഹസൻ മൗലാന പറഞ്ഞു. അദ്ദേഹം വഹിക്കുന്ന സ്ഥാനം ഒരു ഭരണഘടനാ പദവിയാണ്, അതിനാൽ അദ്ദേഹം നിഷ്പക്ഷത പാലിക്കണമെമന്നും അദേഹം ആവശ്യപ്പെട്ടു.

Story Highlights : Tamil Nadu Guv RN Ravi asks college students to chant ‘Jai Shri Ram’