‘രാജ്ഭവൻ പൊതുസ്ഥലം; വർഗീയത പ്രചരിപ്പിക്കാൻ ഉപയോഗിക്കുന്ന ഒരടയാളവും ഉപയോഗിക്കാൻ പാടില്ല’; എം വി ​ഗോവിന്ദൻ

രാജ്ഭവനിലെ ചിത്ര വിവാ​​​ദത്തിൽ പ്രതികരിച്ച് സിപിഐഎം സംസ്ഥാന സെക്രട്ടറി എംവി ​ഗോവിന്ദൻ. ഗവർണർമാരെ യഥാർത്ഥത്തിൽ പിൻവലിക്കണമെന്നാണ് നിലപാടെന്ന് അദേഹം പറഞ്ഞു. സിപിഐക്കും സിപിഐഎമ്മിനും ഈ വിഷയത്തിൽ രണ്ട് അഭിപ്രായമില്ല. രാജ്ഭവൻ പൊതുസ്ഥലമാണ്. പൊതുയിടത്തിൽ വർഗീയത പ്രചരിപ്പിക്കാൻ വേണ്ടി ഉപയോഗിക്കുന്ന ഒരടയാളവും ഉപയോഗിക്കാൻ പാടില്ലെന്ന് എംവി ​ഗോവിന്ദൻ പറഞ്ഞു.

സെക്രട്ടറിയേറ്റിലേക്കും നിയമസഭയിലേക്കും കമ്മ്യൂണിസ്റ്റ് പാർട്ടിയുടെ കൊടിപിടിച്ച് ഞങ്ങൾ പോയാൽ എങ്ങനെയിരിക്കും. ആ കൊടിപിടിച്ച് പുഷ്പാർച്ചന നടത്തണംഎന്ന് പറഞ്ഞാൽ അസംബന്ധമല്ലേയെന്ന് എംവി ​ഗോവിന്ദൻ‌ ചോദിച്ചു. നിലമ്പൂർ ഉപതിരഞ്ഞെടുപ്പ് പ്രചരണങ്ങൾ‌ സംബന്ധിച്ചും എംവി ​ഗോവിന്ദൻ പ്രതികരിച്ചു. യുഡിഎഫിന് വികസനത്തെ കുറിച്ച് മിണ്ടാൻ ആകുന്നില്ലെന്ന് അദേഹം വിമർശിച്ചു.

Read Also: ‘മിനിട്സിൽ മാറ്റം വരുത്തി, നടപടി ക്രമങ്ങൾക്ക് വിരുദ്ധം’; രാജ്ഭവനിലെ പരിപാടി ഒഴിവാക്കിയതിൽ കൃഷി മന്ത്രിയുടെ ഓഫീസ് അയച്ച കത്ത്

നിലമ്പൂരിൽ വലിയതോതിൽ ഇടതുപക്ഷം മുന്നോട്ടുപോയെന്ന് എംവി ​ഗോവിന്ദൻ പറഞ്ഞു. ബിജെപിയും കോൺഗ്രസും ഇലക്ട്രൽ ബോണ്ടിലൂടെ ദേശീയപാത കരാറുകാരിൽ നിന്ന് പണം വാങ്ങിയിട്ടുണ്ടെന്ന് എംവി ​ഗോവിന്ദൻ ആരോപിച്ചു. ചെർക്കള വരെ ദേശീയപാതയിൽ ഒരു പ്രശ്നവുമില്ല. അത് ഒരാളുങ്കൽ ലേബർ കോൺട്രാക്ട് സൊസൈറ്റി ചെയ്ത ജോലിയാണെന്നെന്ന് എം വി ​ഗോവിന്ദൻ‌ പറഞ്ഞു.

Story Highlights : CPIM State secretary MV Govindan responds on Rajbhavan Photo controversy