പ്ലാസ്റ്റിക് ഫാക്ടറി അപകടം; മരണ സംഖ്യ 13

പഞ്ചാബിലെ ലുധിയാനയിൽ പ്ലാസ്റ്റിക് ഫാക്ടറി തകർന്നുണ്ടായ അപകടത്തിൽ മരിച്ചവരുടെ എണ്ണം 13ൽ എത്തി. ലുധിയാനയിലെ വ്യവസായ മേഖലയായ ചീമ ചൗക്കിലെ ഇടുങ്ങിയ പ്രദേശത്ത് സ്ഥിതി ചെയ്തിരുന്ന അഞ്ച് നില ഫാക്ടറിയാണ് തിങ്കളാഴ്ച തകർന്ന് വീണത്.

ഫാക്ടറിയിലുണ്ടായ തീപിടുത്തത്തെ തുടർന്ന് വൻ ശബ്ദത്തോടെ പൊട്ടിത്തെറിയുണ്ടാവുകയും പിന്നാലെ കെട്ടിടം തകർന്നടിയുകയുമായിരുന്നു. അതിനിടെ, ഫാക്ടറിയുടെ ഉടമസ്ഥൻ ഇന്ദ്രജിത് സിംഗ് ഗോലയെ പൊലീസ് അറസ്റ്റ് ചെയ്തു. അപകടം നടന്ന അന്നു മുതൽ ഇയാൾ ഒളിവിലായിരുന്നു.

plastic factory accident death toll touches 13