കോഴിക്കോട് നിന്ന് മത്സ്യബന്ധനത്തിന് പോയ ബോട്ട് കാണാതായി

കോഴിക്കോട് ബേപ്പൂരിൽ നിന്ന് ലക്ഷദ്വീപിൽ മത്സ്യബന്ധനത്തിന് പോയ ബോട്ട് കാണാതായി. ബേപ്പൂർ സ്വദേശി സുഭാഷിന്റെ ഉടമസ്ഥതയിലുള്ള കൃഷ്ണപ്രിയ എന്ന ബോട്ടാണ് കാണാതായത്.

ലക്ഷദ്വീപ് സ്വദേശികളായ അഞ്ച് പേരാണ് ബോട്ടിലുണ്ടായിരുന്നത്. 18 ആം തീയതി ബേപ്പൂരിൽ നിന്ന് പോയ ബോട്ട് 22 ന് ലക്ഷദ്വീപിൽ നിന്ന് മത്സ്യവുമായി തിരിച്ചെങ്കിലും ഇതുവരെ ബേപ്പൂരിലെത്തിയിട്ടില്ല. കോസ്റ്റ് ഗാർഡും കോസ്റ്റൽ പൊലീസും ചേർന്ന് തിരിച്ചിൽ നടത്തുന്നുണ്ട്.