കത്വ ബലാത്സംഗ കേസ്; വിചാരണ പത്താന്‍കോട്ടിലേക്ക് മാറ്റി

കത്‌വയില്‍ എട്ട് വയസുകാരി ക്രൂരമായ പീഡനത്തിന് ശേഷം കൊലചെയ്യപ്പെട്ട കേസിന്റെ വിചാരണ കാശ്മീരില്‍ നിന്ന് മാറ്റി. കാശ്മീരില്‍ നിന്ന് പഞ്ചാബ് പത്താകോട്ടിലേക്കാണ് മാറ്റിയത്. സുപ്രീം കോടതിയാണ് വിചാരണ മാറ്റാന്‍ ഉത്തരവിട്ടത്. പെണ്‍കുട്ടിയുടെ കുടുംബത്തിന്റെ ഹര്‍ജിയിലാണ് കോടതിയുടെ ഉത്തരവ്. കാശ്മീരില്‍ സുരക്ഷിതത്വം ഇല്ലെന്ന് ചൂണ്ടിക്കാട്ടിയാണ് പെണ്‍കുട്ടിയുടെ കുടുംബം സുപ്രീം കോടതിയില്‍ ഹര്‍ജി നല്‍കിയിരുന്നത്. പത്താന്‍കോട്ട് സെഷന്‍സ് കോടതിയിലാണ് ഇനി കേസിന്റെ വിചാരണ നടപടികള്‍ നടക്കുക.