17
Jan 2019
Thursday
Save Alappad

ഇന്ത്യയിൽ ആദ്യമായി റോൾസ് റോയ്‌സ് കളിനൻ സ്വന്തമാക്കിയത് ഈ മലയാളി വനിതയാണ്

ഇന്ത്യയിൽ ആദ്യമായി റോൾസ് റോയ്‌സ് കളിനൻ സ്വന്തമാക്കി അഭിനി സോഹൻ റോയ്. ഏരീസ് ഗ്രൂപ്പിന്റെ സ്ഥാപകനും പ്രമുഖ വ്യവസായിയുമായ സോഹൻ റോയിയുടെ ഭാര്യയാണ് അഭിനി സോഹൻ റോയ്. ഏരീസ് ഇന്റർനാഷ്ണൽ ഇന്റീരിയേഴ്‌സിന്റെ മാനേജിങ്ങ് ഡയറക്ടറാണ് അഭിനി.

അഭിനി റോൾസ് റോയ്‌സ് കളിനൻ സ്വന്തമാക്കിയ കാര്യം സോഹൻ റോയ് തന്നെയാണ് തന്റെ ഫേസ്ബുക്ക് അക്കൗണ്ടിലൂടെ വെളിപ്പെടുത്തിയിരിക്കുന്നത്.

ഡിസംബർ 12 നാണ് വാഹനം ലഭിക്കുക. അന്നാണ് സോഹൻ റോയിയുടേയും അഭിനിയുടേയും ഇരുപത്തിയഞ്ചാമത് വിവാഹവാർഷികവും.

6.95 കോടി രൂപയാണ് വാഹനത്തിന്റെ എക്‌സ് ഷോറൂം വില. റോൾസ് റോയ്‌സ് ലക്ഷുറി എസ്യുവി സീരീസിൽ ലക്ഷുറിയുടെ അവസാന വാക്ക് എന്ന് വിശേഷിപ്പിക്കാവുന്ന റോൾസ് റോയ്‌സ് കളിനൻ ലോകത്തെ ആദ്യത്തെ 3-ബോക്‌സ് എസ്യുവി ആണ്.


ഓഫ് റോഡ് ഡ്രൈവും ലക്ഷ്യംവെച്ചുകൊണ്ടാണ് റോൾസ് റോയ്‌സ് തങ്ങളുടെ ലക്ഷുറി എസ്യുവി സീരീസിലെ എറ്റവും പുതിയ മോഡലായ റോൾസ് റോയ്‌സ് കളിനൻ അവതരിപ്പിച്ചിരിക്കുന്നത്. ഓഫ് റോഡിന് പുറമെ, പുല്ല്, മണൽ, മഞ്ഞ് തുടങ്ങി ഏത് പ്രതലത്തിലും റോൾസ് റോയ്‌സ് കളിനൻ സുഖമായി ഓടിക്കാം.

5341 മില്ലി മീറ്റർ നീളവും 2164 മില്ലി മീറ്റരർ വീതിയുമുള്ള കളിനന്റെ വീൽബെയ്‌സ് 3295 മില്ലി മീറ്റർ നീളത്തിലാണ്. സിഗ്നേച്ചർ സൂയിസൈഡ് ഡോറും, ഡുവൽ ടൺ 22 ഇഞ്ച് അലോയ് വീലുകളും കാറിന്റെ പ്രത്യേകതകൾ ആണ്.

ലക്ഷുറിയുടെ അവസാന വാക്കെന്ന് വിശേഷിപ്പാക്കാവുന്ന റോൾസ് റോയ്‌സ് കളിനനിലെ ല്ലൊ സീറ്റിലും മസാജിങ്ങ് ഓപ്ഷൻ ഉണ്ട്. നൈറ്റ് വിഷൻ, വൈൽഡ് ലൈഫ് അലേർട്ട്, പനോരമിക്ക് വ്യൂ, ക്രൂസ് കണ്ട്രോൾ, ഹെഡ്‌സ് അപ് ഡിസ്‌പ്ലേ തുടങ്ങിയവയാണ് മറ്റ് ഫീച്ചറുകൾ.

ഇതിന് പുറമെ പിറകിൽ നിന്നും തുറന്നു വരുന്ന സ്‌പെക്ടേറ്റർ സീറ്റും കാറിന്റെ പ്രധാന സവിശേഷതകളിൽ ഒന്നാണ്. ഇവിടെ രണ്ട് കസേരയും ചെറിയ ടേബിളും ഉണ്ടാകും. വ്യൂവിങ്ങ് സ്വീറ്റ് എന്നാണ് ഇതിന് നൽകിയിരിക്കുന്ന പേര്. വാഹനം അടുത്ത വർഷം ഇന്ത്യൻ വിപണിയിൽ എത്തും.

Top